Денеска на прес конференција од Советот на општина Делчево Советничката група на ВМРО-ДПМНЕ и Коалицијата “Твоја Македонија” координаторката Андријана И. Велковски ја алармираше јавноста за катастрофалниот лош извештај за работата на ЈКП “Брегалница” Делчево за 2024 година, кој што се најде пред делчевските советници на денешната седница на Советот со цела една година задоцнување.
“Почитувани сограѓани, почитувани медиуми Тоа што со години можеа да го видат граѓаните на Делчево преку катастрофалното работење на Јавното комунално претпријатие Брегалница Делчево, денес во форма на извештај дојде на разгледување пред Советот на општина Делчево. Со задоцнување од една година ЈКП “Брегалница” Делчево поднесува извештај за НЕработата и уште полошо за штетното работење во 2024 година. Секторското работење на комуналното претпријатие во Делчево е руинирано и деградирано до таа мера што веќе сериозно е загрозена природата на постоење на ова претпријатие. Во кој дел да се погледне од извештајот евидентни се катастрофални состојби: -дали станува збор за техничко-кадровата екипираност, -дали станува збор за нормативно-правното работење, -дали станува збор за финансиско-материјалното работење, ЈКП Брегалница Делчево е доведена на раб на пропаст во целокупното работење. Ваквата состојба целокупната јавност во Делчево можеше да ја осети и види на најлош можен начин изминатите години. Поради сите овие причини Советничката група на ВМРО-ДПМНЕ гласаше против донесувањето на Одлуката за усвојување на Извештај за работата на ЈКП „Брегалница“-Делчево за 2024 година Оваа затекната состојба е сериозен предизвик за новата локална власт, за што како советници од ВМРО-ДПМНЕ ќе вршиме постојан надзор на работењето на ЈКП “Брегалница” Делчево во рамки на нашите ингеренции, со цел во најкус можен рок граѓаните на Делчево да добијат квалитетни комунални услуги во периодот кој претстои.”
-рече денеска на прес конференцијата Адријана И Велковски- Координаторка на советничката група на ВМРО-ДПМНЕ и Коалицијата “Твоја Македонија” во Советот на Општина Делчево
Креирано од:
СЛИЧНИ ОБЈАВИ
Кампања „16 дена активизам против родово базирано и семејно насилство“ – промоција на книгата „Азбука на семејното насилство“ во Кочани
Активности од кампањата „16 дена активизам против родово базирано и семејно насилство“ во Кочани
Пронајдени над 4300 парчиња пиротехнички средства во Штип, лишено од слобода едно лице, следува пријава