Во четврток на 24.04.2024 година на својот јутјуб канал Македонскиот блуз-рок музичар Јагуриноски Игор го објави видео записот за својата нова песна “Rock & Blues Shelter”.
Станува збор за флуидна мешавина на рок и блуз звук во нивната најсурова форма а разиграната динамика на синтисајзер делниците им два своевидна мекост на гитарските парчиња кои како мозаик се надополнуваат едни со други.
Песнава го илустрира секојдневието во кое што се наоѓа обичниот човек а лајтмотивот на лириката на текстот е своевиден антипод на општественото безредие и глупости кои се присутни во сечиј живот.
Идејата дека музиката може да го спаси човекот и неговата човечка природа е во целост вградена во суштината на оваа песна која низ разигранито рокерски звук и ритам се доведува на едно повозвишено ниво на перцепција од самиот слушател.
Самите соло делници на гитарата се достојни на целиот концепт на песната и даваат силна енергичност и жестина.
Топло ја препорачуваме оваа песна на нашите читатели а се надеваме на уште вакви интересни изданија на авторот.
Спотот е снимен со мобилен телефон од еден кадар, од почеток до крај а живописните кадри во видеото се сместени во Старата прилепска чаршија.
Автор на песната е Игор кој ги напиша музиката, текстот и аранжманот. Изведбата е на самиот него кој како мулти-инструменталист свири на тапани и бас како солидна ритам поддршка за соло гитарата која ја свири Михаил Јагуриноски.
Миксот за песната е на Шабаноски Борче а видео записот го сними Благојче Наумоски.
Креирано од:
СЛИЧНИ ОБЈАВИ
Што значи Bajram Šerif Mubarek Olsun, а што значи Allah razi olsun?
Почина легендарниот актер Џејмс Ерл Џоунс
Постои град во Турција кој се вика “Бетмен”