ВО ОТСУСТВО НА ПОГОЛЕМИ ПРОСЛАВИ ЗА ЕДЕН ОД НАЈГОЛЕМИТЕ МАКЕДОНСКИ ПРАЗНИЦИ ВО РЕПУБЛИКА МАКЕДОНИЈА 2 АВГУСТ- ИЛИНДЕН, музичките уметници и естрадни ѕвезди остануваат без работен ангажман и за претстојните празнични денови. Актуелната криза со Ковит-19 ги погаѓа сите делови од Македонското општество вклучително и музичката дејност. Ретки се музичките настани кои се закажани за прослава на претстојниот празник кој што од страна на властите ќе се одбележува со програма сведена на протокол со минимум содржини.
Во такви услови пеачката Андријана Јаневска е поканета да гостува кај нашинците во Преспа, Албанија да се претстави со свој концерт на плоштадот “Гоце Делчев” на 2 Август- Илинден со почеток во 20.00 часот.
“Ми претставува неизмерна чест што ќе го отворам годинешното “Македонско културно лето” во Албанија на ден Илинден! Преспа ми е под кожа, прекрасна природа и питоми и гостопримливи луѓе. Ви благодарам за поканата. ☀️”
-напиша на фејсбук пеачката Андријана Јаневска по повод овој настан во најава.
