Јавен повик за невработени лица во општина Кочани

Врз основа на Договорот за соработка помеѓу Агенцијата за вработување на РСМ (АВРСМ), и Договорот за соработка Програмата за развој на Обединетите нации (УНДП)  и општина Кочани, во рамките на Оперативниот план за активни програми и мерки за вработување и услуги на пазарот на трудот за 2024 година усвоен од Владата на Република Северна Македонија, Програмата Општинско – корисна работа финансирана од Буџетот на Агенцијата за вработување на РСМ, на ден 11.06.2024 година се објавува:

Ј  А  В  Е  Н     П О В И К
до
евидентирани невработени лица за вклучување во
Програмата Општинско – корисна работа

Се повикуваат сите евидентираните невработени лица кои се заинтересирани да се вклучат во програмата Општинско-корисна работа, проект  “Доверба“  за вклучување/работно ангажирање со скратено работно време од 9 (девет) месеци  заради стекнување на вештини и постепено вклучување на пазарот на труд, да се пријават во Агенција за вработување- Центар за вработување Кочани.

Евидентираните невработени лица кои немаат сертификат/уверение признаен од релевантните институции за стекнати вештини/ компетенции за занимања од социјалната и здравствената сфера согласно услугата која треба да се испорачува ќе бидат вклучени во програмата при што 3 месеци ќе добијат задолжителна обука и 6 месеци работно ангажирање.

Вкупниот период на влученост на невработените лица преку програмата изнесува 9 месеци во кој влегува обуката и работниот ангажман.

Евидентираните невработени лица кои ќе бидат вклучени во Програмата „Општинско-корисна работа“ ќе бидат работно ангажирани со скратено работно време со 20 (дваесет) работни часови неделно, при што за време на задолжителната обука од 3 месеци за лицата кои не поседуваат соодветен сертификат/уверение признаен од релевантните институции за стекнати вештини/ компетенции за занимања од социјалната и здравствената сфера согласно услугата која треба да се испорачува и за време на  работниот ангажман од 6 (шест)месеци/ 9(девет) месеци статусот на невработените лица  останува непроменет, а на невработените лица-корисници на паричен надоместок и на корисници на право на Гарантирана минимална помош за времетраење на работно ангажирање ќе им биде активно претходно остварено право.

Право на учество во Програмата „Општинско-корисна работа“ имаат сите невработени лица активни баратели на работа .

За кандидатите кои ќе бидат избрани и вклучени во Програмата Општинско-корисна работа се предвидува паричен надоместок во висина од 13.750,00 денари бруто износ за времетраењето на обуката и работното ангажирање, со вклучени данок на личен доход и осигурување за инвалидност и телесно оштетување причинето со повреда на работа и професионална болест.

Евидентираните невработени лица кои ќе се пријават за учество во Програмата Општинско-корисна работа треба да припаѓаат на една од следните целни групи невработени лица:

Х долгорочно невработени лица (над 12 месеци во евиденција, со предност на невработени лица над 5 години)           Х  млади лица до 29 години Х  лица постари од 50 години Х    лица корисници на гарантирана минимална помош Х    лица корисници на паричен надоместок по основ на невработеност Х лица кои имале статус на деца без родители и родителска грижа Х  жртви на семејно насилство

Х  лица со попреченост X жени припадници на ромската етничка заедница и  на останатите етничките заедници x лица припадници на ромската етничка заедница Х самохрани родители Х родители на деца со пречки во развојот Х родители на 3 и повеќе деца x лица со незавршено средно или пониско образование

Работните позиции кои се опфатени со овој оглас се однесуваат на ангажирање на :

Работно место 1: Негувател на деца од предучилишна возраст  Работа со деца од предучилишна возраст согласно упатствата и  стандардите на Програмата на ЈОУДГ „Павлина Велјанова’: нега и грижа за децата, помош во спроведување на воспитно-едукативни активности. Помош при нега и грижа на деца од предучилишна возраст: помош при хранење, успивање,прием  на децата во градинка, помош при присособување и сл.

Позиции за работно место 1: 5 (пет)  

Потребни квалификации и занимања за Работно место 1: (Активни баратели на работа, со завршено ССС  и  претходно стекната лиценца за работа)

– Работно место 2: Посредник /давател на услуга  во центар за донации (Ова работно место подразбира дежурство  во Центарот  за  донацијаКкочани раковоен од ЗСЗЗ Благородна мисија“ :  Посредување  при донирање  на  стари работи : облека, обувки, покривки, постелнина,садови за домаќинство и друго. Прием на донираните работи, доделување на донациите на корисниците на услугите, давање  можност да си изберат што им е потребно од донираните работи. Одржување на ред во центарот за донација, диплење и пеглање на донираната облека, сортирање и прилагодување на истата спрема потребите на корисниците),

Позиции за работно место 2: 2 (две)

Потребни квалификации и занимања за Работно место 2: (Активни баратели на работа, со завршено  ССС, предност ќе имаат членови на здружението „Благородна мисија“)

Работно место 3: Фасилитатор за социјални прашања ( Лице кое ќе биде посредник помеѓу социјално загрозените лица и институциите . Ќе ги инфромира и упатуива, ќе им помага во прибирање на документација и поднесување на соодветни барања за помош, ќе им пополнува барања на оние кои не се во можност самите да го сторат тоа).

Позиции за работно место 3: 1 (едно)

Потребни квалификации и занимања за Работно место 3: (Активни баратели на работа со завршено  ССС/основно образование)

Работно место 4 : Негувател на лица со попречност (Негувателите  ќе имаат за задача да му помагаат на лицето со попреченост во извршување на секојдневните активности: подготовка, на храна, лична хигиена,одржување на  хигиена во домот, прошетка, пазарење, плаќање сметки, помош околу одење на болница ,  социјализација и дружење и сл).

Позиции за работно место 3: 3 (три)

Потребни квалификации и занимања за Работно место 3: ( Активни баратели на работа  со завршено ССС/основно образование)

Работно место 5 Фасилитатор за олеснување пристап до обраозвание на ромски деца (Да  им помага на децата Роми во совладување на македонскиот јазик, во социјализацијата,, запознавање со основни, воспитно -едикативни активности и сл. во ОУ “Раде Кратовче во Кочани“)

Позиции за работно место 3: 2 (две)

Потребни квалификации и занимања за Работно место 3: (Активни баратели на работа  со завршено ССС/ВСС  образование, лицето треба добро да ги владее и ромскиот и македонскиот јазик)

Работно место 6: Личен асистент (Да му помага на детето со пречки во развојот во пишување на домашните задачи, подготовка и одење на училиште и  други потреби во домот).

Позиции за работно место 3: 1 (едно)

Потребни квалификации и занимања за Работно место 3: ( Активни баратели на работа  со завршено ССС  образование)

Заинтресираните невработени лица  Пријави за учество во Програмата „Општинско-корисна работа“ можат да поднесат во Агенција за вработување- Центар за вработување КОЧАНИ во периодот од 11.06.2024 година до 18.06.2024 година, од 08:00 до 14:00 часот.

Поконкретните услови, права и обврски ќе бидат уредени со склучување на Договор помеѓу општина КОЧАНИ  и избраните кандидати.

Детални информации за Програмата „Општинско-корисна работа“ можат да се добијат во општина Кочани кај лицето Аника Илијевска Ѓорѓиева, Општински координатор за Програмата „Општинско-корисна работа“, Агенција за вработување- Центар за вработување Кочани кај лицето Драгица Санданска,  Центар за социјлна работа Кочани кај лицето Дејан Лазаров.

Извор: Општина Кочани

Креирано од: