Министерот за здравство Азир Алиу во врска со своите определби за градење на повисоко ниво на доверба со граѓаните и корисниците на услугите на здравствениот систем во државата, во јавноста ја претстави новата веб страница на министерството која што ja содржи функцијата “Отворен кабинет” преку која што граѓаните можат да бидат во директен контакт со Министерот Алиу и неговите најблиски соработници во неговиот кабинет.
“Вистинската реформа почнува тогаш кога институцијата престанува да зборува сама со себе – и почнува да го слуша народот со отворен ум и јасна намера за промена. Затоа, денес не претставуваме само нова веб-страница, туку создаваме институција што слуша и реагира. Преку алатката „Отворен кабинет“, секој граѓанин може директно да закаже средба со мене, секој петок, без бариери и без бирократија. Лице в лице, човечки разговор – со почит, одговорност и подготвеност за конкретни решенија.
Првите 15 термини веќе се резервирани. Ова е доказ дека граѓаните имаат што да кажат, и конечно имаат каде да бидат слушнати. Јас сум тука да ги слушнам. Оваа иницијатива не е само услуга. Таа е став. Став дека здравството не смее да биде затворен систем, туку жив организам што комуницира, систем што вклучува и реагира навреме.
„Здравство што комуницира, вклучува и реагира“ – не смее да биде само слоган. Тоа е јавна обврска. Обврска што јас како министер ја прифаќам со целосна одговорност – и секојдневно ќе ја исполнувам со работа, отчетност и лично присуство. Ова е мојата визија како министер: Да изградиме здравствен систем што зборува со граѓанинот, делува со интегритет и се води од доверба. Систем што не се води од впечаток, страв или политички притисоци – туку од точни податоци, реална анализа и вистинските потреби на населението. Систем што не се плаши од вистината, не се губи во бирократија и никогаш не го заборава човекот – како причина зашто постои самиот систем.”
-стои во соопштението упатено до јавноста по повод овозможувањето на новата дигитална алатка за граѓаните.
Креирано од:
СЛИЧНИ ОБЈАВИ
Заменик-министерот Ристески се обрати на отворањето на Првиот Бизнис форум во општина Делчево „Заедно да подадеме рака на развојот“
ДКСК го објави Каталогот на пријавени подароци за избрани и именувани лица за 2025 година
Финансиска полиција поднесе пријава против поранешен претседател на Стоматолошката комора на Македонија