Нема повкусна комбинација од чоколадо и кикирики, а кога се направат како намаз, тогаш сигурно не ќе можете да одолеете на овој вкус, кој го обожаваат и децата.
Потребно е:
- 2 шолји непечени, лупени кикирики
- 1/2 шолја какао
- 1 1/4 шолја шеќер во прав
- 1 лажичка сол
- 3 лажици масло
Подготовка:
Рерната загрејте ја на највисоката температура која ја има. Во тавче за печење, ставете хартија за печење и истурете ги кикириките. Распоредете ги рамномерно и печете ги 10 минути додека не почнат да добиваат кафена боја.
За тоа време, промешувајте ги неколку пати за да не загорат. Кога ќе бидат испечени, кикириките ставете ги во процесор за храна и мелете ги 5 минути додека не бидат во речиси течна состојба. Ако смесата стане многу густа, ставете малку вода за да стане полу-течна.
Потоа, додајте ги какаото, шеќерот, маслото и солта и мешајте во процесорот.
Готовиот намаз ставете го во пластичен или стаклен сад и оставете го преку ноќ во фрижидер.
Наредниот ден, кога намазот ќе биде ладен и цврст, намачкајте го на парче леб.
Креирано од:
СЛИЧНИ ОБЈАВИ
ВО МАГИЧЕН АМБИЕНТ ВИКЕНДОВ СЕ ОДРЖА „ПОТОЧИЊА 2026“
Луѓето се враќаат на Месечината за само 3 дена!
Бојана Скендеровски со концерт во Штип: Огнен Здравковски и Коки Јанков специјални гости