На првиот свој работен ден во Министерството за информатичко општество и администрација дополнителниот заменик – министер во ова министерство, Невенка Стаменковска Стојковски која е назначена од страна на Претседателот на ВМРО-ДПМНЕ Христијан Мицкоски, соопшти дека ќе биде извршен надзор на сите согласности за објавување на огласите за вработување кои се актуелни во последниов период.
Власта предводена од Зоран Заев во последниот месец од своето владеење речиси секојдневно распишуваше огласи за вработување во администрацијата за кои помеѓу граѓаните постои перцепција дека ќе бида искористени во предизборни цели и влијание на гласачи.
Стаменковска посочи дека имаат сознанија за незаконски постапки при вработување и нејзината цел е да не се загрози европската перспектива на државава преку нарушениот предизборен период и поткупот на гласачи преку масовната партизација на администрацијата.
Според неа, тоа што вистински загрижува е нагласената партизација и десетиците отворени огласи за стотици нови вработувања во пресрет на изборите. Партизацијата, потенцира, е едниот проблем, но тоа што претставува вистински дополнителен проблем е токму непотизмот.
– Заразата од непотизам прави дисторзија на квалитетот на кадрите и дава шанса на роднините и пријателите пред сите други квалитетни кадри. Моето инсистирање на законито работење не е опструкција на политиката на вработување, туку напротив да ставам точка на непотизмот, неквалитетот и партизацијата во институциите. Тоа е и постулатот на моето работење – борба против непотизмот, партизацијата на администрацијата и време е во администрацијата конечно да дојдат квалитетни кадри кои се обучени и треба да ја водат Македонија напред кон Европската унија, рече Стаменковска Стојковски пред просториите на Министерството.
Одговарајќи на новинарско прашање рече дека во нејзиниот тим ќе има шест лица, како што е согласно законот, тројца внатрешни и тројца надворешни лица.
Појасни дека денеска во Министерството ги виделе условите за работа, имаат обезбедно канцеларии, кои треба дополнително да се дополнат согласно потребите за работа на луѓето. Таа рече дека во моментов се задоволни од тоа што го добиле како простории и услови за работа.
– Веднаш не може да се направи ништо, ни треба барем некој период за да ги провериме сите претпоставки кои ги имаме за непотизмот, дел од кои ги објавив на неколку пресови претходно, за дел од нив сум говорела и на дебатни емисии, но тоа што можеме да го направиме во иднина е да ги проверуваме луѓето и да знаеме дека пред се избираме квалитет и дека нема да бидат повторно луѓе на други партиски фунцкионери на СДСМ, бидејќи навистина непотизмот е нешто што ги револтира граѓаните, не остава простор на вистинските професионалци да дојдат во рамки на администрацијата, додаде Стаменковска.
Креирано од:
СЛИЧНИ ОБЈАВИ
Заменик-министерот Ристески се обрати на отворањето на Првиот Бизнис форум во општина Делчево „Заедно да подадеме рака на развојот“
ДКСК го објави Каталогот на пријавени подароци за избрани и именувани лица за 2025 година
Финансиска полиција поднесе пријава против поранешен претседател на Стоматолошката комора на Македонија