На официјалната страна на Државниот завод за статистика стои името “Република Македонија” на апликацијата наменета за попишување на Македонската дијаспора.
Имајки го предвид инсистирачкото користење на со сила наметнатата придавка “Северна” од страна на сите институции под контрола на Зоран Заев, се поставува дилемата дали оваа појава со која намерно се одбегнува “Северна” во апликацијата за попис на дијаспората, не е своевидна мамка за Македонската дијаспора за да се попише во што е можно поголем број? Мнозинството од Македонската дијаспора се спротивставува на употребата на “Северна” во името на нашата татковина, па сигурно истата би делувала одбивно во името прикажано на апликацијата каде Македонците од цел свет би требало да ги остават своите лични податоци.
Оттука крајно симптоматично е однесувањето и неконзистентноста на државните институции кон од нив наметнатото име “Северна” на државата Македонија.
“Овде нешто смрди”-ќе рече нашиот народен мудрец….
Ваквата пракса најмалку оди во прилог на зголемување на довербата на јавноста кон процесот за спроведување на пописот кој што е дел од коалициската програма/договор на Зоран Заев и Али Ахмети.
