Во Националната Установа Центар за Култура „Ацо Шопов” од Штип а во реализација на Arabesque – Центар за балетска уметност, Штип во петок 24.06.2022 година со почеток во 19.00 часот ќе се одржи детската балетска претстава “Грдото Пајче”.
Од тимот за промоција на настанот информираат:
“Една од најубавите детски приказни, раскажана преку танц.
Приказната за “Грдото пајче” се раѓа во далечната 1842г, создадена од авторот Ханс Кристијан Андерсен. Без сомнеж, оваа приказна е еден од бисерите на светската литература, кој никогаш нема да го изгуби својот блесок и секогаш ќе ги интригира големите и малите читатели. “Грдото пајче” е едно од најмудрите литературни дела, кое зборува за високата животна цена која секој ја плаќа, следејќи го својот призов да биде различен од околните, или барем таков каков што е. Поучна, реална сторија, која носи надеж и верба во себе, светот и чудата.
Сето ова, раскажано преку танцот на балерините од Центарот за балетска уметност Арабеск.
Полни со желба, терепт и љубов искажана во движење Ве покануваме да го споделиме заедно овој настан! “
-информираат од менаџментот на настанот.
Кореографија и сценарио на претставата е на Елизабет Колевска а асистент е Драгана Илиевска
Цена на билет: 150 денари. За деца до 14 години влезот е бесплатен. Продажбата на билети ќе се врши во рамките на студиото Арабеск. Тел. за контакт 075/356-326, 075/993-376
Креирано од:
СЛИЧНИ ОБЈАВИ
Отстранет отпадот во близина на Фабриката за вода во Кочани
Градоначалникот Владко Грозданов се сретна со жители од улицата „Константин Апостолов“
Кривична пријава против поранешна директорка на Јавната Здравствена Установа “Гоце Делчев” Делчево