Со доделување на уверенијата на новиот градоначалник на општина Кочани, Николчо Илијев, и на деветнаесетте членови на Советот на општината, денеска започна мандатот на новоизбраната локална власт.
Врачувајќи им ги уверенијата, претседателката на Општинската изборна комисија – Кочани, Марија Гоцева, истакна дека на Локалните избори 2017 вкупно 20.827 жители со право на глас им ја дале довербата за раководење на општината во наредните четири години и им посака успешна и конструктивна работа.
– Им честитам на граѓаните и им благодарам што покажаа голем демократски капацитет и на слободни и фер избори јасно ја искажаа својата волја. Тоа покажува дека тие од нас очекуваат резултати. Работењето нема да биде лесно и едноставно бидејќи од она што го видов за време на кампањата знам дека има многу нешта коишто граѓаните очекуваат да бидат направени и поправени, изјави градоначалникот Илијев.
Сите проблеми, додаде, не можат наеднаш да се решат, но граѓаните ќе ги даваат приоритетите, а ние ќе ги решаваме. – Очекувам коректна соработка со Советот, затоа што ние сме овде да создадеме услови за подобар живот на граѓаните на Кочани. Како градоначалник ќе бидам крајно транспарентен и отворен и подготвен за соработка во секој дел, рече Илијев.
Во наредниот мандат, мнозинството од десет советници во Советот на општина Кочани ќе го има СДСМ и коалицијата, осум советници се од ВМРО-ДПМНЕ и коалицијата и еден советник е од независна листа.
Според најавите на општинската администрација, конститутивната седница на Советот на општина Кочани ќе се одржи на почетокот на ноември
Креирано од:
СЛИЧНИ ОБЈАВИ
Д-р Башким Шабани со апел до населението: Еден донор може да спаси повеќе животи, тоа е чин на солидарност, емпатија и човечност
Обраќање на Премиерот Мицкоски на Советот на Германско-Македонската стопанска комора
Младите ја креираат зелената иднина – Божиновска ги додели признанијата на победниците на националниот натпревар за зелени иновации