Градоначалникот на општина Македонска Каменица Димче Атанасовски продолжува со посветената реализација на проекти за жителите на сите населени места во општина Македонска Каменица. Како резултат на постојаната комуникација на градоначалникот со граѓаните во континуитет се решаваат проблемите и приоритетите со кои што се подобрува живеачката како за селата така и во општинското урбано јадро.
Во моментот на терен се работни екипи засилени со соодветна механизација кои се ставени во служба на жителите на селото Моштица, а ваквата иницијатива ќе продолжи да се реализира и во другите рурални места во наредниот период. За жителите на селото Моштица следува изградба на нов канализациски систем со што значително ќе се придонесе кон подобрување на животниот стандард за граѓаните како и зачувување на здрава и чиста животна средина во преубавата природа во атарот на селото.
За ваквата посветена иницијација на градоначалникот да добие соодветна реализација на предвидените проекти на терен овозможува и посветената и мотивирана работа на вработените во општинската администрација кои работат на обезбедување на соодветна техничка документација и функционалност во смисла на запазување на сите правни и финансиски процедури, со што проектите добиваат оптимален квалитет за најповолна цена во моментот на пазарот.
“Денес сум во село Моштица каде ги решаваме најголемите проблеми на жителите. Наши екипи се на терен и работат, а наскоро во ова село ќе започне изградба на нов канализационен систем. Подготвени се уште неколку проекти кои ќе бидат реализирани до крајот на оваа година.”
-информираше градоначалникот на општина Македонска Каменица во врска со овие негови тековни активности.
Креирано од:
СЛИЧНИ ОБЈАВИ
Заложбите на градоначалникот на Берово Петар Ружински даваат резултати: Две нови големи инвестиции во Малешевијата за подобар стандард за сите беровчани
Нова перспектива за развој на локалната економија во Пехчево
Стоп за досегашната фушерајска изградба на градежни работи во Делчево