Професорката Гордана Силјановска вечерва беше на средба со граѓаните на Делчево. Во прополната сала во Спомен домот АСНОМ во Делчево, таа се обрати пред присутните Делчевчани, при што ги реафирмираше своите ставови против сите незаконски, неуставни и нелегитимни решенија кои актуелната власт ги донесе на штета на Македонскиот народ.
Зборувајќи за Преспанскиот договор, неговото противуставно носење во парламентот и покрај волјата на граѓаните на Република Македонија изразена преку неуспешниот референдум од 30 септември, професорката Силјановска се заложи за принципиелно спроведување на правото и правдината кои се на спротивната страна од целава оваа постапка за обезличување на државата и народот.
Погледнете го во продолжение целото обраќање на Професорката Силјановска пред Делчевчани:
На крај од овој настан симболично на свој специфичен начин Професорката Силјановска упати порака во чест на патронот на Делчево, големиот револуционер и идеолог-Гоце Делчев:
Делчев го подразбираше светот како поле за културен натпревар меѓу народите, мислам дека ние Македонците имаме со што да се натпреваруваме.
Заедничко со Делчев ми е што сме двајцата учители. Правото, правдата и етиката се на наша страна и мислам дека ние можеме да ја донесеме Европска Македонија, односно на Европа да и’ го прикажеме она што е голем културен Македонски дострел.
-изјави Гордана Силјановска за нашиот портал.
Креирано од:
СЛИЧНИ ОБЈАВИ
Почина Анче Трифунов, поранешен претседател на Советот на Општина Кочани
Литературен конкурс за Гоце Делчев по повод 153 годишнината од неговото раѓање во организација на ВМРО-ДПМНЕ ОК ДЕЛЧЕВО
Најава за одржување на манифестацијата „Спортски асови за 2024 година“ во Виница