Убавото викенд време градоначалникот на општина Виница го искористи за дружење со спортските риболовци кои што зедоа учество во Меморијалниот Крап Куп “Гоце Петровски-Гишел” организиран од Здружение спортски риболовен еколошки клуб ЗСРЕК “КРАП” Виница.
Општина Виница како чиста и еколошки незагадена територија која што изобилува со речен фонд на води е погоден простор за унапредување на спорски но и економски активности поврзани со аква културите и рибарството.
Од тие причини градоначалникот Петков овозможува своја сесрдна поддршка за спордскиот риболовен клуб “Крап” од Виница со надеж дека нивните активности ќе се зголемат во иднина.
На турнирот свое учество зедоа повеќе екипи од кои што најуспешна беше екипата “Дрим Тим” од Скопје која ја улови најголемата риба како и екипата “Манџа Мед” Виница која го освои првото место на турнирот.
“Денес присуствував на затворањето на Меморијалниот Крап Куп “Гоце Петровски-Гишел” организиран од Здружение спортски риболовен еколошки клуб ЗСРЕК “КРАП” Виница.
На турнирот учествуваа 8 екипи од Македонија кои севкупно уловија 335 парчиња риба со вкупна тежина од 1 тон и 23 килограми. Најголемата риба која беше уловена од екипата на ДРИМ-ТИМ од Скопје изнесуваше 10 килограми и 650 грама.
Првото место на турнирот го освои екипата на “МАНЏА-МЕД” од Виница, второ место заврши “КРАП” од Виница и на третата позиција се пласираше екипата “ПИЈАНЕЦ” од Делчево.”
-соопшти Градоначалникот Миле Петков во врска со овој спортски настан.
Креирано од:
СЛИЧНИ ОБЈАВИ
Поранешен директор и раководител во ЈКП “Брегалница” Делчево добија кривични пријави за штета од над 7.5 милиони денари
Превентивни активности на СВР Велес, СВР Штип и РЦГР Исток за безбеден сообраќај и спречување на употреба на пиротехнички средства
Пожар на оџак во зграда во Штип причина за поголема материјална штета