Генералниот секретар на ВМРО-ДПМНЕ Игор Јанушев во текот на денешниот ден беше во посета на жителите на Македонска Каменица.
Големиот број на средби што ги имаше со жителите на ова мало рударско гратче на брегот на Калиманското езеро на реката Брегалница, Јанушев ги искористи да се запознае со тековните проблеми на луѓето во градот, но и да им порача на Каменичани дека е дојдено времето Македонија да почнеме сите заедно од почеток да ја обновиме.
Најмногу се жалат како и секаде каде што одиме со кампањата Разговори за #ОбноваНаМакедонија особено во источниот дел од Република Македонија во однос на иселувањето, особено иселувањето на младите. Меѓутоа и она што е забележливо особено последните 2-3 години е дека се иселуваат и буквално цели семејства без разлика на возраста, едноставно луѓето си бараат подобар живот, нешто што во Република Македонија со оваа криминално-рекетарска власт го немаме.
Но, исто така овде во Македонска Каменица луѓето зборуваат и за реалните проблеми односно ветувањата и манипулациите кои што ги прават не само од централната, така и од локалната власт бидејќи буквално ништо не е реализирано, ниту патот до рудникот „Саса“ е направен како што ветуваа, ниту е отпочнато со работа индустриската зона што и те како ќе дадеше една инекција за целиот овој регион во однос на вработувањата и на тоа да луѓето ги мотивираме да останат во нашата држава. Меѓутоа не е ништо направено и во однос на санација на градинките, училиштата и се она што го имаа како дел од изборната програма.
-порача Јанушев.
Дополнително генералниот секретар на опозициската ВМРО-ДПМНЕ ја коментираше изјавата на Зоран Заев со која тој зборуваше за мултиетнички народ и му порача дека
“ние сме Македонци кои што живеат во Република Македонија и тоа не може ништо да го смени”
Погледнете ја целата изјава за јавноста на Игор Јанушев од Македонска Каменица во продолжение:
Креирано од:
СЛИЧНИ ОБЈАВИ
Божиновска со низа билатерални средби и пораки за забрзана транзиција на UNECE Resource Management Week
Шеикот Венко од Емиратите: Сепак претседателот на СДСМ има златна виза како менаџер и инвеститор во Обединетите Арапски Емирати
Божиновска од UNECE Resource Management Week 2026: Одлучни политики, силни инвестиции и меѓународна соработка за одржлива енергетска иднина