Иницијатива за формирање на Кризен штаб за спас на ФК Брегалница- Делчево

Иван Гоцевски кој што е Советник во Советот на Општина Делчево, но и долгогодишен активен учесник во спортските збиднувања во Делчево, согледувајки ја состојбата во која се наоѓа Фудбалскиот Клуб Брегалница од Делчево во јавноста изнесе своја иницијатива за формирање на Кризен штаб кој ќе има за цел да го спаси клубот од пропаст со оглед на неговата 100 годишна традиција.

Во продолжение во целост го пренесуваме текстот на иницијативата на Иван Гоцевски:

“ИНИЦИЈАТИВА ЗА ФК БРЕГАЛНИЦА!!!

Поради тоа што сметам дека јавноста треба да биде информирана за ситуацијата во која се наоѓа ФК Брегалница и да знае за се што според мене треба да се подобри во нејзината релација со Општина Делчево/Municipality of Delcevo заедно со сите нејзини институции, поради сите спортисти и спортски работници од нашата општина, спортските фанови и навивачката група АРАМИИ, но и поради мојата генерација со која растевме на стадионот се до играњето во Прва Македонска Фудбалска Лига и најмногу поради троцифрениот број на дечиња и нивните двајца тренери кои моментално ги опстојуваат Ф.К. Брегалница Делчево и стадионот “Гоце Делчев” е поднесена оваа иницијатива која треба ДА СЕ РАЗВИВА И ПРОШИРУВА за да не биде сватена како само моја а ќе има за цел да и помогне на БРЕГА и развојот на спортот во целина во нашата општина!

ИНИЦИЈАТИВА Е ПОДНЕСЕНА ДО ГРАДОНАЧАЛНИК НА ОПШТИНА ДЕЛЧЕВО, СОВЕТ НА ОПШТИНА Делчево И КОМИСИЈА ЗА СПОРТ ПРИ СОВЕТ НА Општина Делчево И ИСТАТА ГЛАСИ:

Иницијатива за дополнителна финансиска помош, создавање на КРИЗЕН ШТАБ за спас на ФК Брегалница Делчево и тело кое ќе управува и ќе се грижи за доброто на клубот ФК Брегалница Делчево и спортот во општина Делчево!

Во врска со оваа иницијатива на Советниците од мнозимството им предлагам на првата наредна седница да ги донесеме следните заклучоци се со цел да докажеме загриженост за ситуацијата на ФК Брегалница:

(1) Советот на Општина Делчево ја прифаќа Иницијатива за дополнителна финансиска помош, создавање на КРИЗЕН ШТАБ за спас на ФК Брегалница Делчево и тело кое ќе управува и ќе се грижи за доброто на клубот ФК Брегалница Делчево и спортот во општина Делчево.

(2) Висината на средствата ќе биде утврдена со ребаланс на Буџетот на Општина Делчево за 2023 година.

(3) Се овластува Градоначалникот на Општина Делчево да ја утврди висината на финансиската помош и најповолниот начин и истото да се изведе преку ребаланс на Буџетот на Општина Делчево.

(4) КРИЗНИОТ ШТАБ за спас на ФК Брегалница да биде свикан и формиран во најкус можен рок од Претседателот на Комисијата за спорт при Општина Делчево.

(5) Формирање на тело кое ќе управува со ФК Брегалница Делчево и ќе се грижи за доброто на спортските клубови и развојот на спортот во Општина Делчево со важна напомена дека во истото НЕМААТ право да членуваат носители на јавни функции и партиски функционери.

(6)Градоначалникот на општина Делчево Горан Трајковски да направи своја анализа за тоа каде е проблемот во однос на одобрените а неисплатени сретства кон спортските и невладини организации во Делчево во најкус можен рок, пред да се доведе пред банкрот нивното работење со оглед на нивните планирани активности во рамки на нивните годишни програми. Истите да бидат исплатени најдоцна до крајот на месец Септември 2023 година.

Врз основа на член 21 и член 38 од Статутот на општина Делчево, упатувам барање за разгледување на мојата иницијатива се со цел ставање на дневен ред на следна седница на Совет на општина Делчево која УРЕДНО Е ДОСТАВЕНА ПРЕКУ АРХИВАТА НА ОПШТИНА ДЕЛЧЕВО!

Иницијатива за дополнителна финансиска помош, создавање на КРИЗЕН ШТАБ за спас на ФК Брегалница Делчево и тело кое ќе управува и ќе се грижи за доброто на клубот ФК Брегалница Делчево и спортот во општина Делчево!

Предлагам Советниците да ја усвојат оваа точка во дневниот ред на седницата на Совет на општина Делчево.

Подносител на иницијативата- Иван Гоцевски, член на Совет на Општина Делчево и член на Комисијата за спорт во Совет на Општина Делчево”

–стои во иницијативата на Иван Гоцевски- СОветник во Советот на Општина Делчево.

Креирано од: