На денешната прес конференција од страна на ВМРО-ДПМНЕ беа објавени последните 10 кандидати за градоначалници на оваа партија и здружената коалиција.
Генералниот секретар Христијан Мицковски ги објави имињата на следните кандидати:
-За Центар, го предлагаме господинот Дејан Јовановски, член на ИК на ВМРО-ДПМНЕ, познат спортист, кошаркар со импресивна кариера во кошарката, генерален секретар на македонската кошаркарска федерација во 2016 година, почитуван помеѓу колегите и граѓаните.
-За општина Могила, го предлагаме господинот Стевче Пивковски, познат стопанственик, чесен и работлив човек, со голем углед во општина Могила.
-За Илинден, го предлагаме актуелниот градоначалник, господинот Жика Стојановски, кој во текот на изминатиот мандат има реализирано голем број на проекти за својата општина.
-За општина Македонски Брод, го предлагаме актуелниот градоначалник, господинот Милосим Војнески, човек со голем број на остварени проекти зад себе, угледен и почитуван граѓанин.
-За општина Лозово, го предлагаме Јордан Илиевски, правник, вработен во Управата за Имотно правни работи.
-За општина Делчево, го предлагаме господинот Иван Соколов, еден од основачите на ВМРО-ДПМНЕ, стопанственик, почитуван и угледен граѓанин, познат во градот но и пошироко.
-За општина Берово, го предлагаме господинот Никола Атанасов, моментален претседател на ОК на ВМРО-ДПМНЕ во Берово, докажан работник, силен карактер, почитуван помеѓу своите сограѓани.
-За општина Теарце, ВМРО-ДПМНЕ го предлага господинот Војо Гогоски, магистер по шумски науки, вработен во Министерството за земјоделство, шумарство и водостопанство, угледен граѓанин и посветен на работата.
-За општина Кичево, ВМРО-ДПМНЕ го предлага господинот Влатко Сајкоски, дипломиран правник, фамилијарен човек, сопруг и родител на 3 деца.
-За општина Зелениково, го предлагаме господинот Александар Манев, вработен во МЕПСО, семеен човек, работлив и почитуван и уледен сосед.
Со ова е заокружен бројопт на кандидати за градоначалници на општините ширум Македонија каде партијата е убедена дека ќе ја добие убедливо довербата на граѓаните во трката за прв човек на овие општини.
Креирано од:
СЛИЧНИ ОБЈАВИ
Градоначалникот на Кочани Грозданов заедно со граѓаните ќе биде дел од чествувањето на Водици во понеделник
Министерката Весна Јаневска во работна посета на УГД – фокус на квалитетот во високото образование
Цветан Трипуновски: Со поддршка на европските партнери можеме да изградиме конкурентно, одржливо и модерно земјоделство во интерес на земјоделците