До нашата редакција пристигна известување од Општинскиот комитет на ВМРО-ДПМНЕ од Кочани во врска со лошата состојба со комуналниот отпад во Кочани.
Истата ја пренесуваме во целост:
“Во Кочани стана најнормално нешто и негде да гори, по можност депонија, ѓубришта… Таму кај што не се запалени се расфрлани ѓубришта во строг центар, небаре е кварт на милионски град!Башка глутниците кучиња кои влеваат страв кај минувачите а честопати си го земаат и данокот.
Оваа негрижа мора да запре, како од нас самите, така а особено од надлежните.
Овие слики кажуваат многу и за граѓанската загриженост, но исто така и за однесувањето на релевантните фактори во градот, кои и покрај многу прозивки останаат глуви на пораките по социјалните мрежи на граѓанските активисти и предупредувањата од опозицијата.
Кочани беше најчист град во државата, ама порано.”
Во прилог на ова известување се доставени фотографии:
Гоце Марков,
портпарол на ВМРО ДПМНЕ за Кочани
