БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Клековски: Досега регистрирани 43 случаи на западнонилска треска, средствата со кои се прска против комарците се целосно безбедни за луѓето

HTML Image as link Имате потреба од нов веб сајт?
An image from Squarespace
Пренеси го гласот

На денешната прес конференција на министерот за здравство, Сашо Клековски, на која информираше за актуелната епидемија со западнонилска треска, присуствуваа и повеќе градоначалници од скопскиот регион, претставници на градот Скопје и Институтот за јавно здравје и Центар за јавно здравје

 – Досега имаме регистрирано 43 случаи на западнонилска треска, од кои 40 се дефинитивно потврдени, а 3 случаи се потврдени со еден тест. Исто така, различно од претходно е што се појавија први случаи во општините Центар и Чаир. Почна контролата на птиците и лоцирана е прва угината птица – гавран на подрачјето на Скопје, што е заразена со овој вирус, информираше министерот Клековски.

Тој упати благодарност до граѓаните за совесноста и големиот број дојави за угинати птици, кои се собираат од Агенцијата за храна и ветеринарство и понатаму се испитуваат.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

– Овој состанок што го одржавме со градоначалниците практично е надградба на претходните активности на град Скопје. Во моментот работиме со 34 ризични подрачја, од кои 13 се високоризични. Ризичноста се проценува според два критериуми, а тоа е застоеноста на водата и високото ниво на органска материја, потенцираше Клековски.

Воедно, министерот апелираше дека средствата со кои се прска против комарци се комплетно безбедни за луѓето и се препорачани од Светската здравствена организација.

Креирано од:


Пренеси го гласот