Клучното прашање е зошто не е распишана централна потерница за исчезнатото возило, прашуваат од опозцијата

Денеска пратеникот Драган Ковачки од ВМРО-ДПМНЕ на прес конференциа упати повеќе дилеми и прашања кон министерот за внатрешни работи Оливер Спасовски во врска со монструозниот случај на убиство на младата Вања и повозрасниот велешанец Панче:

“Почитувани,

И по 48 часа од поставените прашања до Спасовски, а со цел разјаснување на дилемата дали убиството на Вања можело да биде спречено, тој молчи.

Спасовски молчи и не одговара дали возилото на убиениот Панче, со кое е киднапирана Вања, 3 дена се движело по скопските улици. Ова е важно затоа што доколку МВР распишало централна објава по возилото, тоа ќе било најдено веднаш штом ќе се регистрира од страна на системот Сејф Сити, а убијците на Панче ќе биле фатени, односно убиството на Вања можеби и немало да се случи.

НИЕ СМЕ ДОЛЖНИ НОВИТЕ СОЗНАНИЈА ШТО ГИ ИМАМЕ И ДИЛЕМИТЕ КОИ СЕ ОПРАВДАНИ ДА ГИ ПОСТАВИМЕ ВО ЈАВНОСТА.

Спасовски мора јасно и без политизирање и филозофирање да одговори дали возилото на убиениот Панче влегло во Скопје од правец на Велес уште на 24 ноември, 15 тина минути пред 7 часот и дали се до 27 ноември – денот на убиството на Вања, истото се движело низ Скопје, без полицијата да ги приведе убијците?

Дали истото возило поминало на истата локација од која што влегло на 24ти и на 25ти вечерта?

Спасовски мора да одговори, дали МВР знаела, т.е. имала можност да го лоцира возилото, но тоа не е направено затоа што не распишале централна објава?

Повторувам, зошто кога семејството на убиениот Панче пријавува дека тој е исчезнат со возилото уште на 22 ноември не е распишана централна објава?

Ова е клучното прашање, зад кое се крие одговорот за пропустот на МВР.

Оваа прес конференција има за цел да го постави само ова и единствено прашање. Доколку Спасовски искрено одговори на истото, нема да има човек во Македонија на кого нема да му биде јасно дали имало или не пропуст во истрагата и дали животот на Вања можел да биде спасен.”

-рече на прес конференцијата од партиското седиште пратеникот Драган Ковачки од ВМРО-ДПМНЕ

Креирано од:

Кирчо Анастасов

administrator

ГЛАВЕН И ОДГОВОРЕН УРЕДНИК НА БРЕГАЛНИЧКИ ПОРТАЛ
Над 15 години искуство со создавање на содржина на интернет платформи: -blogspot, -facebook, -twitter, -youtube, -instagram,
Експерт за ПР активизам, фотограф, блогер, видео продуцент, CMS web дизајнер, WHM & CPanel хостинг, Систем администратор, оператор со MySQL дата бази.
Градежен инжинер, Менаџмент на проекти, граѓански активист, фармер, планинар, љубител на природата.

See author's posts