Во вчерашното гостување на вестите во централниот дневник на Канал 5 телевизија Претседателот на ВМРО-ДПМНЕ Христијан Мицкоски одговараше на повеќа актуелни прашања за состојбите во државата.
На прашањето од страна на новинарката поврзано за појавувањето на Никола Груевски на медиумите како руча во ресторан во Будимпешта, за тоа дали ВМРО-ДПМНЕ ќе се огради од својот почесен претседател, Христијан Мицкоски одговори дека повеќе пати во изминатиот период ова прашање е одговарано и дека
… вистинското прашање е како на Македонија да и тргне, како Македонија да биде подобра, да не биде 112 место на европската скала за перцепција на корупцијата, да не се ставаат по пријателски врски членови на судски совет, да не се бираат по роднинска основа дипломати, судии во Република Македонија, да немаме привилегирани економски оператори, кои што ќе имаат единствена привилегија во оваа држава да водат бизнис….
За сето тоа ниту е Груевски виновен, нити некој кој што во моментот не е активен во политиката. Единствената одговорност кој што во овој момент ја има во државата да понуди подобар и поквалитетен живот за граѓаните во Република Македонија е Зоран Заев.
Ајде да зборуваме за иднината на Република Македонија. Ниту е важно прашањето зошто Зоран Заев не се откажал од транзиционите хирови на неговите претходници, ниту е важно прашањето зошто ВМРО-ДПМНЕ не се откажало од Никола Груевски. Важно е како да направиме подобар живот за нашите граѓани. Тоа е суштината и тоа е вистинското прашање.
-истакна Христијан Мицкоски како лајт мотив во неговото интервју.
