Претседателот на ВМРО-ДПМНЕ Христијан Мицкоски, попладнево беше во посета на малото рударско градче во источна Македонија, Македонска Каменица.
На средбите со граѓаните и средбата со членовите и активистите на ВМРО-ДПМНЕ Мицкоски се запозна со актуелните проблеми со кои што живеат жителите на Македонска Каменица впрочем како и жителите на сите општини од Источниот (Брегалнички) регион.
Во продолжение еве што напиша Мицкоски во врска со посетата на Македонска Каменица:
Бев во Македонска Каменица.
Убав македонски град, со срдечни и честити луѓе, загрижени за својата и иднината на нашата земја. Им реков дека власта ја посипа земјата со црнила, а народот го оковаа со омраза, со гнев.
Направија да се гледаме низ нишан, нишанот на одмаздата. Владеат со страв и одмазда, наместо со работа и проекти.
Животот кој толку многу го ветуваа го заменија со црнила. Ветуваа живот за сите, испорачаа црнила за сите.
Имаме премиер кој бега од дебата, а бега затоа што:
-Црн е животот на докторите. Им ветуваа на докторите плата од 1500 евра, и нема ништо од тоа.-Црн живот и за матичните лекари. Капитацијата што им ја ветуваа им ги изедоа трошоците на владата за набавка на жардињери и цвеќиња, па нема зголемен бод.
-Црн е животот на младите. Ветуваа студентски град, нови објекти, квалитетно образование. Ништо од тоа нема.
– Нема Стопанска комора, нема бизнисмен кој се фали. Црно до црно. Повратот на ДДВ касни, зголемените даноци ќе ги зголеми трошоците за бизнис.Домашното стопанство е во криза.
-Црни денови се и за пензионерите. Нема покачување на пензиите, напротив се по некое намалување или кратење ќе се случи.
-А можеби најцрн живот живеат земјоделците. Зголемувањето на даноците директно удира на поскапото производство кое ќе ја изеде и така малата заработувачка.
Луѓето ќе трпат за леб, а маката преку целата година нема да може да им се исплати. Нема земјоделец кој сега е задоволен, со повисоките и скрени даноци ќе се направи крах на земјоделството во Македонија. Македонија од земјоделска земја ќе се претвори во уништена земја.
Причините за овие црнила имаат име и презиме тие се викаат Зоран Заев и оваа корумпирана влада и затоа премиерот бега од дебата.
Креирано од:
СЛИЧНИ ОБЈАВИ
Лишен од слобода кочанчанец затоа што управувал возило под дејство на алкохол
Пробиштип два дена домаќин на Првата докторска олимпијада
Жител од Пробиштип уапсен во Свети Николе поради тешка кражба