Денеска во Центарот за обука на МВР официјално го отворивме Мултимедијалниот центар за Обука реализиран во рамки на проектот Градење на хибриден образовен систем во Министерството за внатрешни работи на Македонија.
Центарот е резултат на заедничката соработка помеѓу мисијата на ОБСЕ во Скопје и МВР и претставува вистински чекор напред во модернизацијата на обуката и создавањето на услови за подобрување на вештините и знаењата на сите припадници на министерството за внатрешни работи преку интегрирање на иновативни хибридни и мултимедијални алатки за учење.
Проектот во вредност од околу 350.000 евра се имплементира низ повеќефазен пристап, со цел да се создаде одржлив хибриден образовен систем во МВР, во рамки на кој дваесет и три хибридни обучувачи, избрани преку постапка заснована на заслуги, поминаа низ програма за хибридни обуки од 10 модули, учејќи како да користат современи алатки за создавање и испорачување на обуки онлајн, на лице место и комбинирано. Девет теми односно обуки беа воспоставени како најпотребни и, оттогаш, хибридните обучувачи континуирано работат во тимови за да создадат сеопфатни, интерактивни обуки за секоја тема како што се: полициски интегритет, подово сензитивно полициско работење, гранично полициско работење, управување со стрес, полициско работење во заедницата, освежување на вештините за обучувачи, комуникациски вештини и финализирање на активностите преку основањето на мултимедијалниот центар.
Мултимедијалниот центар не е само нов објект туку е вистинска нова можност за развој и напредок бидејќи ќе биде место за континуирани обуки кои ќе ја подобрат ефективноста и професионалноста на сите вработени во Министерството за внатрешни работи.
-стои во соопштението упатено до јавноста од страна на Министерот за внатрешни работи Панче Тошковски
Креирано од:
СЛИЧНИ ОБЈАВИ
Миџкалис Рохас се сретна со невладини организации за да го презентира Извештајот на Европската Комисија за напредокот на Македонија
Обвинение за организација на борби со кучиња
Лишена од слобода радовишанка поради лажна дојава за бомба во училиште во Радовиш, поднесена е кривична пријава