На денешен ден 27 септември 1986 година во сообраќајна несреќа загина Клиф Бартон (Clifford Lee Burton).
Тој е еден од четворицата основачи на светски познатиот бенд Металика.
На фотографијата се (од лево на десно) Џејмс Хетфилд, Ларс Улрих, Клиф Бартон, Дејв Мастејн кои се оригиналната четворка на бендот кој ќе стане еден од најзначајните и највлијателните хард рок бендови на сите времиња. Оваа фотографија е снимена во 1982 година од тинејџерските денови на членовите на бендот. Во 1983 година во бендот на местото на гитаристот Дејв Мастејн доаѓа Кирк Хамет кој до ден денеска ќе остане во бендот.
Ноќта кога загинал басистот Клиф Бартон бендот бил на турнеја низ Европа а Бартон играл карти со Кирк Хамет. Победникот Бартон можел да бира на кое место во автобусот може да спие. Изборот кој го направил го одвел во неговата смрт на денешен ден пред 34 години.
Клиф Бартон учествува во создавањето на првите три албуми на Металика Kill ‘Em All, Ride the Lightning и Master of Puppets и се смета за еден од највлијателните музичари и басисти на сите времиња. Музичкиот магазин Ролинг Стоун во 2011 година по избор на читателите го поставува на 9 место на најзначајни басисти на сите времиња.
СЛИЧНИ ОБЈАВИ
Лицемерие на ВМРО-ДПМНЕ и ЗНАМ, гласаа против решавање на статусот на бранителите.
„Финансиска поддршка и дополнителни мерки за најзагрозените категории граѓани – Донесена програмата за заштита на ранливи потрошувачи на енергија за 2025 година“
Левица со Предлог – закон за патни трошоци за работниците