За среќа, иако лично не очекував, минатата недела се распушти деветиот парламентарен состав во Република Македонија кој ќе остане запаметен и запишан во историјата како најнеуспешен и како состав кој нанесе ненадоместлива штета за својата земја и граѓаните. Дојдоа неславно на избори кои претходно три пати се одложуваа, додека според нечии желби не се склопија коцките, за да се дојде до отприлика нерешен резултат помеѓу ВМРО-ДПМНЕ и СДС(С)М, а потоа на неславен и срамен начин насилно да се формира ново мнозинство кое беше спремно да ги исполни барањата на оној кој ги инсталираше на власт. Но тоа е апсолвирано и пишувано од многумина и од сето тоа штетите и последиците долго ќе мораме да ги трпиме и да се надеваме дека на изборите ќе победи разумот во што е можно поголем број за да се овозможат добри предуслови нешто да се исправи.
Во овој денешен текст ќе се осврнам на ураганот кој ја зафати Македонија на сите полиња за што свои заслуги има распуштениот парламентарен состав и владата која тие ја инсталираа и поддржуваа во изминативе три години. Неуспеси каде и да погледнеш и анализираш.
Економијата комплетно е урнисана, иако упорно се трудат да не убедат дека блескаме. Со рамниот данок ја утнаа работата, па мораа да го враќаат. Штетата од заминувањето на странски компании поради тоа и за откажувањето на новите инвестиции во најава, тешко дека ќе биде надоместена, а последиците ќе ги трпиме сите ние. Ја зголемија вештачки минималната плата принудувајќи ги работодавците да исплаќаат сума која тие ја одредуваат без притоа да утврдат дали е тоа можно во реалноста. Да не се разбереме погрешно, работниците треба да земаат и поголема плата од оваа минималната, но за некому да се наложи да исплаќа таква плата сметам дека државата треба да створи предуслови и да направи анализи дали и која компанија колку може да исплаќа како минимална плата. Ваквата политика доведе до укинување на работни места, а многу самовработени во микро семејни бизниси беа принудени истите да ги затворат (тоа е според моето мислење најголемата штета која е направена), а луѓето ги отвараа за да си плаќаат придонеси, здравствено и социјално осигурување и што е најважно не беа терет на државниот буџет. Со грешната политика многу вакви работни места се затворија, поттикната е повторно сивата економија и потребна е една сериозна анализа, како и некој да ги сноси последиците за тоа. Се фалат со разни проекти за помош на младите, на невработените, на земјоделците итн. Ни од тоа нема ништо драги мои, само лажги со опашки. Сите тие проекти и средства најверојатно завршија кај партиските потрчковци, полтрони, снаи, баџанаци и јатрви, кои секако потоа во знак на благодарност се должни да му се оддолжат на оној кој им ги доделил. Социјалата врие тивко во себе и прашање на ден е кога оваа категорија ќе експлодира. Демек зголемена помошта, но со додадени услови кои тешко дека некој ќе ги исполни. Мирно е затоа што заради изборите сето тоа уште не се применува како што е замислено, но кога ова ќе заврши, доколку истиве останат на власт, ретко кој ќе може да се надева на праведна социјална политика. Партијата која ги создаде 99% од стечајците во државава сега се фали дека ги решила со доделување на милостина до пензионирање откако луѓето ги остави со децении на питачки стап, во безизлезна и безнадежна состојба, повеќето тешко болни благодарение на судбината која ги снашла. Да е уште поголемо лицемерието, во парламентарниот состав и во власта има личности кои со своето делување директо придонеле за таквата состојба, за сега со кревање на два прста и со народни пари да се фалат дека некому помогнале. Селективното зголемување на палти во јавниот сектор е посебна приказна. Незадоволството се гледа насекаде, од здравството до образованието, а им беа ветувани ,,брда и долини,,. Пензиите пораснаа за некои смешни суми кои е понижувачки да се спомнат, а постојано ни ги полнат главите со тие накачувања и со она фамозното ЌЕ, ЌЕ, ЌЕ од февруари, па од март итн. Најсмешното од се е тоа што кога говорат за овие ЌЕ-проекти тие се толку занесени и западнати во транс што се добива впечаток дека тие се веќе одамна реализирани и дека сите уживаме во нивните благодети. Болно и тажно. Абер да нема од нешто, а ти да повторуваш дека граѓаните го уживаат.
Градежништвото е равенка со три непознати за сеуште актуелнава власт. Таква неспособност не е видена верувам дури и во најниско развиените цивилизации во централна Африка. Дури и некое племе кое нема на располагање копач и мотика верувам дека побрзо ќе изгради автопат или некаков друг објект отколку што беа способни овие од нашата влада. Патиштата кои наводно ги прават и одамна требаше да се готови, кај и да е ЌЕ ги пуштат, а требаше да се веќе готови, на пример експресниот пат од Три Чешми до Кочани. Тие така се пофалија и требаше да исполнат, времето за работа оваа сезона ептен им се погоди, средства на располагање имаат и оправдување нема. Но, не ги бива луѓето за ништо, па тие ни готовиот автопат од Скопје до Штип две години незнаеа да го пуштат. Сега за време на кампањата ќе се правдаат со Корона вирусот кој беснеел во Кина, па заради тоа работниците неможеле да си ја сработат работата, ама кај и да е ЌЕ биде до март (непознато е само до кој). Највеќе од се мора да им се признае ги бива за ,,градење,, на двојазични табли по институциите дури и таму кај што велеа дека само некој ненормален може да помиисли дека ќе ги има. Само нервози и провокации до сограѓаните за да ги предизвикаат на непромислени потези и да ги пикнат во зандани како терористи или да ги наместат да плаќаат драконски казни за емотивен непромислен потег. Апелирам на воздржаност и разум, оставете ги нека се глупираат! Тие за многу брзо време самите ќе ги вадат и ќе се срамат од своите постапки.
Судството и самите си кажаа, го расцветаа како пупка. Од создавање на перцепција за некакво ,,сваровски,, судство сега дојдовме до фаза на расцветаност која патем искрено кажано доколку реално се вратиме наназад никогаш и не завршила, а ја започнаа токму овие од СД(С)М во далечната 1996 година. Инсталациите од тоа време сеуште ревносно им служат, така да овие од сваровски времето се минорни, можат на прсти да се избројат и немаат никакво влијание во сегашната расцветаност. Трагедијата да е поголема после три години полна власт во понеделникот организираа марш за правда, кој единствено нешто што им покажа дури и на нивните најревносни поддржувачи, дека крајот ќе им дојде многу поблиску од што мислеа, а дебаклот кој ќе го доживеат на 12-ти Април ќе биде огромен. Но тоа е, како владееја така ќе мора и да си живеат потоа, и секако да си ги сносат последиците за непромислените потези.
На полето на културата, тоатален колапс. Три години по ред скандали во делењето на средствата, а за некаков проект или културен настан и добро за време на нивното владеење нема да може да се сети ниту оној кутар министер кој го поставија, а веројатно и неговиот претходник, сега советник на премиерот.
Спортот ни е спуштен на најниски гранки, се финансираат спортови кои реално и не постојат, а беа маргинализирани дури и оние клубови каде што редевме успеси со години. РК Вардар е пред распад, ФК Вардар нешто слично, а ветената помош и субвенции никако да ги добијат. Спортските федерации наместо да гледаат да ја подобрат состојбата во спортот за кој се задолжени беа принудени да си ги променат називите, како да е тоа нешто од толку голем приоритет. Синоќа разочарано го гледав настапот на кошаркарската репрезентација против Естонија, додека во преден план на лед екраните одеше постојано и ударно ,,европското,, КФСМ. Лично ми фалеше она ,,сељачкото,, КФМ, посебно од 2011 година кога бевме четврти во Европа. Но, каква ни беше политиката, такви ни се и резултатите.
Од нивното тригодишно владеење на народот му останаа само виршлата и двете варени јајца. Тоа е реално гледано успехот кој тие го постигнаа во изминативе години.
Почна предизборниот период, роковите течат, ВМРО-ДПМНЕ и правната комисија будно ќе ги следат сите случувања. Законите предвидуваат санкции за сите неправилности кои ќе се случуваат во овој период, особено од претставниците на власта. За секоја неправилност бидете сигурни дека ќе биде поднесена соодветна пријава до Антикорупциската комисија и до другите надлежни органи и институции. Затоа ги охрабруваме граѓаните да собираат податоци, да документираат и да пријавуваат до нас секаква неправилност која ќе биде забележана. Ова зло мора да биде силно победено на предвремените избори на 12-ти Април и да биде испратено во историјата. Обновата на Македонија доаѓа со забрзани чекори, а З.З. и неговата СДС(С)М никогаш повеќе нема да се повторат во ваков формат и со овие луѓе.
Пишува: Кирил Ковчегарски,
адвокат и член во Комисијата за правни работи, политички систем и антикорупција при ВМРО-ДПМНЕ
Креирано од:
СЛИЧНИ ОБЈАВИ
Силен финансиски импут за локалните самоуправи како никогаш до сега! Дали ЕЛС имаат капацитет со овие пари да обезбедат соодветен одржлив развој на локалните заедници?
Канцерот во Македонското мочуриште што со децении не дозволува народот да види бело видело
СДСМ преку Трендафилов со наметнување на минимална плата од 500 евра на стопанството, сакаат да ја урнисаат државата