Денеска Министерот за внатрешни работи Панче Тошковски присуствуваше на свечената заклетва и промоција во полициски службеници на нови 497 лица кои што ќе се грижат за безбедноста и стабилноста на граѓаните на Република Македонија.
“Годинава нашето професионално семејство, Министерството за внатрешни работи, станува побогато за 497 наши нови колеги, идни чувари на безбедноста на граѓаните, синови и ќерки на Македонија. Полициската професија не е само избор, не е само професија, туку повик, завет, кој секој еден од вас го прифаќа со цел да ги чува своите блиски, своите граѓани, својата татковина безбедни и сигурни.
Затоа ве повикувам, при полагањето на свечената заклетва, секој од вас да прифати свој личен аманет, завет на чесност и професионалност дека секогаш ќе ги почитува Уставот и законите на Македонија, ќе води бескомпромисна борба со криминалот и корупцијата и ќе се грижи за безбедноста на секој и на сите граѓани и целото македонско општество.
Благосостојбата и напредокот на едно општество се темелат на почитувањето на законите, на правната држава, чија основа е успешното функционирање на безбедносниот систем. Тоа значи да создаваме, да градиме и да унапредуваме една модерна, опремена, стручна и професионална, но секако и задоволна полиција која своите задачи и обврски ќе ги извршува максимално законито, стручно, одговорно и транспарентно, во име на граѓаните, во име на својот народ кој ја плаќа.
Да живее македонската полиција,
Да ни биде вечна и вековита Македонија.”
-напиша на социјалните мрежи Министерот Тошковски
Креирано од:
СЛИЧНИ ОБЈАВИ
Миџкалис Рохас се сретна со невладини организации за да го презентира Извештајот на Европската Комисија за напредокот на Македонија
Обвинение за организација на борби со кучиња
Лишена од слобода радовишанка поради лажна дојава за бомба во училиште во Радовиш, поднесена е кривична пријава