Градоначалникот на општина Виница Миле Петков денеска го потпиша договорот за соработка со ветеринарна станица од Виница за системско решавање на проблемот со уличните кучиња.
Станува збор за договор кој што подразбира заловување, сместување, чување, вакцинација и кастрација на бездомните кучиња кои што се присутни на јавни површини во општината.
“Денес го потпишавме договорот за набавка на услуги за Заловување и стручен третман на бездомни и нерегистрирани кучиња на територијата на општина Виница за временски период од 1 година. Услугата ќе ја извршува “Ветеринарна станица” ДООЕЛ Виница.
Оваа година општината ги зголеми финансиските средства што се издојуват за решавање на проблемите со бездомните и нерегистрираните кучиња на територија на општина Виница. Според договорот сите заловени кучиња ќе бидат сместени во стандардизирано прифатилиште и третирани со вакцинација и кастрација.
Секој граѓанин може да пријави појава на кучиња скитници, каснување и напад од куче, како и пријава за мачење и злоупотреба на кучиња на тел. 071/588-882 секој работен ден од понеделник до петок (08.00-16.00 часот).
-информираше градоначалникот на општина Виница Миле Петков за јавноста.
Креирано од:
СЛИЧНИ ОБЈАВИ
Влатко Јефтимов и Мирче Павлов прогласени за најуспешни пожарникари во Кочани за минатата година
Потпишан договорот за поврзување на Виница со Пречистителната станица за отпадни води во Мојанци
Санација и реконструкција на оштетени шахти на коловозите во Кочани