На овогодинешната конференција на ЗЕМАК (Здружение на енергетичарите на Македонија), која заврши вчера во Струга, фокусот на стручната јавност беше насочен кон презентацијата на трудот за ПАХЕ „Ташмаруништа“.
Трудот, изготвен и презентиран од директорот на Подружница ХЕС „Црн Дрим“, Гоце Божиновски и раководителот за производство на црнодримските хидрелектрани Глобочица и Шпилје Тони Маркоски, предизвика повеќеминутни овации од страна на присутните експерти и стручната фела.
Присутните ја искажаа својата недвосмислена поддршка за овој капитален проект со инсталирана моќност од (3х75 MW) 225 MW, истакнувајќи дека неговата реализација ќе донесе огромни и повеќекратни придобивки за целиот електроенергетски систем на Македонија.
Главните придобивки од реализацијата на ПАХЕ „Ташмаруништа“ вклучуваат:
Стабилност и балансирање: Клучен придонес во балансирањето на целиот ЕЕС на Македонија.
Складирање на енергија: Обезбедување на капацитети за ефикасно складирање на вишокот електрична енергија.
Зелена транзиција: Полесна и побрза интеграција на обновливите извори на енергија во мрежата.
Ваквите проекти и стручни иницијативи ја потврдуваат подготвеноста и визијата на нашите домашни инженери да креираат одржлива и сигурна енергетска иднина!
Зад сцената, се изработува детална нацрт (драфт) верзија на Гантограм, во која прецизно се опфатени и дефинирани сите активности неопходни за почеток на изградбата. Целта на овој стратешки план е сите процеси да бидат максимално поддржани за да може проектот да започне со физичка реализација во што е можно пократок временски период.
Извор: ЕСМ
Креирано од:
СЛИЧНИ ОБЈАВИ
dm повторно го отвора еко-конкурсот „Зелена иднина: од градинка до училиште“ – пријавете го вашиот двор за раззеленување!
Министерството за здравство и СЗО организираа национална консултација за новиот Закон за лекови
Тошковски: По повеќе од 15 години запуштеност и негрижа, базенот во Полициската академија во Идризово повторно е во функција