Оваа народна мудрост преточена во лајт мотив од денешната изјава за медиумите која што ја истакна Кирил Пецаков од ВМРО-ДПМНЕ е поразителна состојба со која штета ќе трпи Македонската гордост-Охридското езеро.
Пецаков ги прозва актуелните надлежни власти дека го користат Охридското езеро како акумулација за производство на струја на штета на биодиверзитетот во езерото.
Во продолжение во целост ја пренесуваме прес конференцијата на Кирил Пецаков од брегот на Охридското езеро каде се забележува нискиот водостој на езерото:
“Власта на СДСМ предводена од Зоран Заев сè што фати во државата исуши, па така и нивото на водата во Охридското Езеро кое за овој период е во алармантна состојба.
Дали Охридското Езеро за СДСМ е вештачка акумулација, па да можат со ЕЛЕМ безмилосно да го празнат за производство на електрична енергија? Дали недостатокот на јаглен придонесува за ваквото поигрување со Охридското Езеро како да е вештачка акумулација? Градоначалникот Константин Георгиески да одговори што се случува со ниското ниво на водата во езерото? Пратеничката Жаклина Лазаревска сега молчи за несовесното и неодговорно однесување кон Охридското Езеро. Власта наместо како природен ресурс езерото го третира како акумулација за производство на електрична енергија. Лицемерно за личен профит го опустошија езерото, но затоа ја поскапеа струјата.
Тој додава дека самото ниво на водата во Охридското Езеро е алармантно и е директна закана за растителниот и животинскиот свет во езерото.
-Кој ќе понесе одговорност за негативните последици на растителниот и животинскиот свет? За СДСМ ниту Охрид преку дивоградбите, ниту Охридското Езеро со нискиот водостој како да не се заштитени од УНЕСКО, но ги потсетуваме дека за сите вакви негативни последици по градот и езерото се противзаконски дела. СДСМ претходно беа најгласни, а сега за нивото на езерото молчат. Сега се власт и како што тврдеа претходно треба да реагираат веднаш, во спротивно ќе ја докажат нивната неспособност.”
Креирано од:
СЛИЧНИ ОБЈАВИ
Историскиот антагонизам меѓу двете држави се надминува? Бугарија ја одобри еколошката студија за изградба на патно поврзување меѓу Струмјани и Берово
Во с. Драгобраште, виничко уапсени 26 годишник од Делчево и 24 годишник од с.Вирче, делчевско
Карл Јунг – патот преку поучни приказни, како дел од неговата книга „Сеќавања, соништа, рефлексии“