Во 2008 година Хусеин Калкан кој што бил градоначалник на градот Бетмен во југоисточна Турција покренал иницијатива за тужба на филмското студио Warner Bros и филмскиот режисер Кристофер Нолан за користење на името на градот без дозвола од градските власти. Про-Курдскиот градоначалник Калкан тогаш изјавил за медиумите дека
“Во светот постои само еден Бетмен. Американските продуценти го користеле нашето име без да не’ информираат.”
Не е јасно зошто официјалните лица на градот Бетмен чекале толку долго за да покренат правна битка за името на нивниот град имајки предвид дека Ликот на Маскираниот борец за правдата за првпат се појавил на стрип во 1939 година а во ТВ серијата “Бетмен” се појавил во 1966 година. Филмот на Тим Бартон од 1989 година во продукција на филмското студио Warner Bros е првата долгометражна екранизација на популарниот лик.
Несомнено жарот за ваквата правна битка околу сопствеништвето на името “Бетмен” го подгреал фактот што филмот “Темниот витез” (The Dark Knight) е првиот кој што ја надминал финансиската бариера на заработка опд 1 милијарда долари во светски рамки.
Во комплексната тужба било наведено дека филмот бил виновен за серијата на неразјаснети убиства и високиот процент на самоубиства на жени кои што се случиле во градот Бетмен. Исто така жители на градот Бетмен соопштиле дека имаат проблеми кога сакаат својот приватен бизнис да го регистрираат во некоја од странските земји за што трпат финансиски загуби.
Иако градските власти на овој турски град искажале огромно внимание во врска со овој правен процес, сепак жителите на градот Бетмен воопшто не се поистоветувале со стриповскиот или филмскиот лик на Бетмен.
