Следејќи изолационистички курс во својата антиевропска определба кадарот на ДПМНЕ во Министерството за надворешни работи, кој фанатачки ги поддржува антицивилизациските напори на САД и Израел оличени во воената агресија врз Иран, ја користи секоја прилика да ја искаже својата слепа поддршка и вазалска потчинетост кон агресорите врз оваа суверена нација, при што на површина испливува нивното елементарно непознавање на меѓународното право и нивните сомнителни морални вредности.
Квалификацијата на државниот секретар во Министерството за надворешни работи, Елена Кузмановска, на бруталната агресија на САД и Израел врз Иран како „право на војна” во обид да го дисквалификува правото на самоодбрана на Иран е очигледен показател на бесмисленоста и отуѓеноста на надворешните политики на Муцунски чија безидејност во определбата за поддршка на реакционерните злосторнички режими на Трамп и Нетањаху, веќе извесно ја носат Република Македонија во меѓународна изолација. Со овој застрашувачки гаф на Кузмановска на виделина излегува не само апсурдноста на вмровската надворешна политика водена од некомпетентни кадри, туку и нивната агресивна природа и аморалност при што оправдуваат чин на војна за едните, додека притоа негираат елементарно право на самоодбрана кај другите.
Како политичка партија со антиимперијализмот и мирољубивоста како носечки вредности – Левица апелира до Министерството за надворешни работи, во согласност со меѓународното право, да ја осуди илегалната брутална агресија на САД и Израел врз Иран – суверена држава и членка на ОН и да го напушти курсот на поддршка на џелатите Трамп и Нетањаху чии здружени сили сејат смрт ширум Блискиот исток и чија непрестана агресија води кон дестабилизација на други региони и чувство на небезбедност во целиот свет.
Левица се залага за независна надворешна политика водена од интересите на македонскиот народ и држава, притоа следејќи ги принципите на солидарност помеѓу подјармените народи и мирољубива политика во согласност со начелата на меѓународното право.
-Извор: Соопштение на Левица упатено до медиумите
Креирано од:
СЛИЧНИ ОБЈАВИ
Божиновска со низа билатерални средби и пораки за забрзана транзиција на UNECE Resource Management Week
Шеикот Венко од Емиратите: Сепак претседателот на СДСМ има златна виза како менаџер и инвеститор во Обединетите Арапски Емирати
Божиновска од UNECE Resource Management Week 2026: Одлучни политики, силни инвестиции и меѓународна соработка за одржлива енергетска иднина