Во Едукативниот центар за зачувување на природата во селото Негрево, Пехчево, Македонското еколошко друштво во соработка со Едукативниот центар организираше работилница за спроведување на симулацијата ComMod со ученици од Средното општинско училиште „Љупчо Сантов“ од Кочани и од ОСУ „Ацо Русковски“ од Берово.
Целта на иновативниот пристап Companion Modelling е преку користење симулација младите од таргет-регионите, да се запознаат со термините заштитено подрачје и управување со заштитени подрачја како и со предизвиците и предностите од воспоставувањето на заштитени подрачја.
На работилниците учествуваа вкупно 30 ученици и десетина професори од двете училишта. Оваа активност се организирана во рамки на процесот за воспоставување на нови заштитени подрачја „Осогово“ и „Ченгино Кале“ во Брегалничкиот Регион, кој се води во рамките на Програмата за зачувување на природата во Македонија – фаза 2, проект на Швајцарската агенција за развој на соработка.
Работилниците се поддржани од Швајцарската организација „Хелветас“.
Креирано од:
СЛИЧНИ ОБЈАВИ
„Шпански денови на вкусот – Фузија на традициите“ во Кочани
Осум награди за ФА „Љупчо Сантов“ од Оризари на 23. Меѓународен детски етнофестивал „Децата од Балканот“ во Хасково, Бугарија
Товарно возило удрило во мопед на магистралниот пат Штип-Делчево