БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

„Ракотворница“ –  работилница за оживување на вештината за ткаење на разбој во Кочани

HTML Image as link Имате потреба од нов веб сајт?
An image from Squarespace
Пренеси го гласот

Општина Кочани објави јавен повик за реализација на активноста „Ракотворница“, со која повикува работоспособни жителки на Кочани, да се пријават за стекнување вештина  за ткаење на разбој.

Со повикот се опфатени и заинтересираните жени од Кочани коишто поседуваат вештини за ткаење, за пренесување на вештината на други лица, како и жители коишто поседуваат разбој, за изнајмување на направата за ткаење.

Во активноста што се планира да се одржи во текот на јуни во „Етнокуќата“ во Кочани, се вклучуваат и физички и правни лица од Кочани коишто можат да понудат отпад од текстил за потребите на активноста „Ракотворница“.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Целта на „Ракотворница“ е да се афирмираат стекнувањето вештина за ткаење и традиционалните направи за ракотворење, да се даде придонес во циркуларната економија, односно, во овој случај, текстилниот отпад да стане суровина за нови производи. Исто така целта е Општина Кочани да придонесе за економско јакнење на жените и да се креира поволен деловен амбиент за развој на женското претприемништво.

Повикот е објавен на веб-страницата на Општина Кочани, а рокот за пријавување на заинтересираните субјекти е до 10 јуни 2025 година, електронски, на адресата opstina.kocani@gmail.com или лично на Едношалтерската канцеларија, со пополнување пријава за учество. Изборот на учесниците ќе биде според принципот „прв пријавен – прв вклучен“.

Активноста е планирана со Локалниот акциски план за еднакви можности на жените и мажите за 2025 година.  

Креирано од:


Пренеси го гласот