Денеска на прес конференција од коритото на река Брегалница во централното градско подрачје во Делчево од опозициската ВМРО-ДПМНЕ ја алармираат јавноста за ископот на минерална суровина- речен песок што се врши на оваа локација од страна на вработени во ЈПКД “Брегалница” Делчево со градежна механизација и транспортни возила на јавното претпријатие.
Претседателот на Општинскиот комитет на ВМРО-ДПМНЕ од Делчево алармираше дека оваа локација е претворена во воена зона при што се нарушува природниот водотек на реката Брегалница а е уништена и животната средина.
“Граѓаните песокот го купуваат од од концесионери додека јавното комунално претпријатие Брегалница нашло некој друг начин тоа да го прави. Од сето ова прашуваме: Дали ЈП Брегалница има дозвола да врши ископ на ова подрачје? Дали директорот на своите вработени издал налог да вршат ископ? За што се користи песокот од оваа локација?”,
-прашува Сашко Ивановски од Општинскиот комитет на ВМРО-ДПМНЕ од Делчево. Притоа претседателот на опозициската партија ги повика надлежните органи да го преиспитаат овој случај кој што се случува оа очиглед на целокупната јавност во Делчево за елементи на кривична одговорност.
Креирано од:
СЛИЧНИ ОБЈАВИ
Алиу – Кузмановска: Во најтешките мигови едно семејство донесе одлука што значи живот – спасен живот на пациент со трансплантација на црн дроб и подобрен квалитет на живот кај пациент со трансплантиран бубрег
Мицкоски изрази чудење за различниот став на Градоначалникот на Крива Паланка и неговата матична СДСМ во врска со стратешкиот проект во село Луке
Мицкоски во однос на обвинувањата на Блерим Беџети од ДУИ: секој има право на презумција на невиност