До нашата редакција пристигна информација со која се алармира јавноста за кршење на деловничките одредби и рушење на процедурата при донесување на одлуки од страна на советниците на СДСМ во Советот на Општина Штип.
Поради ваквите причини Координаторот на Општинскиот комитет на ВМРО-ДПМНЕ, Иван Јорданов соопштува дека советниците од опозициската партија нема да учествуваат во донесувањето на сомнителни одлуки како претставници на народот кои треба да ги почитуваат правилата и процедурите.
Во продолжение во целост ја пренесуваме оваа реакција која пристигна во нашата редакција:
“Почитуван Претседател на Совет,
За разлика од вашата советничка група, ние како претставници на народот ги застапуваме интересите на граѓаните. Со оглед на тоа што мнозинството во Советот на Општина Штип, предводено од СДС грубо ги прекрши деловничките одредби и ја наруши процедурата при донесување на одлуки, советничката група на ВМРО-ДПМНЕ нема да носи одлуки на седница, на која очигледно очекувавте да бидеме обичен декор. Ние како партија со нашето присуство нема да дадеме легитимитет на сомнителни одлуки, кои ќе демонстрираат непочитување на процедурите од оние кои имаат обврска најодговорно да го прават тоа, а тоа се избраниците на народот!”
Иван Јорданов, координатор на советничка група на ВМРО-ДПМНЕ во Совет на Општина Штип.
Креирано од:
СЛИЧНИ ОБЈАВИ
Општина Кочани донираше 3 милиони денари на Црвен крст – помош за настраданите во несреќата
ДЗР: ЈП „Исар“ Штип се соочува со финансиски и еколошки предизвици, поради што генерира со 60% загуба на вода, 25,2 милиони денари обврски и отсуство на дозволи
Во Делчево куче каснало малoлетничка, сопственикот на кучето заработи кривична пријава