Во рамките на реализацијата на проектот за уредување на паркот во месноста Бавчалук, во кругот на Спортско-рекреативниот центар „Бавчалук“ се засадени нови садници. Наредниов период ќе се продолжи со озеленување, чистење на обраснатата вегетација, реконструкција на постоечките пешачки патеки и уредување на просторот.
Хортикултурното уредување и расчистување на површината на СРЦ „Бавчалук“ е учество на Општина Кочани во реализацијата на овој проект во соработка со Фондацијата за развој на локалната заедница од Штип.
Проектот опфаќа целосно обновување на содржините во Спортско-рекреативниот центар. Асфалтирани се терените за мал фудбал и кошарка, а ќе се обноват подлогите, ќе се заменат таблите и обрачите на кошевите, како и стативите на фудбалското игралиште.
Вкупната вредност на проектот изнесува 3.781.720 денари од кои 1.050.000 денари се од Фондацијата за развој на локалната заедница Штип, а останатите средства се од Буџетот на Општина Кочани.
Комуналните инспекциски служби од Општина Кочани апелираат за совесно и одговорно однесување кон новите садници, дрвјата и воопшто кон зелените површини.
СЛИЧНИ ОБЈАВИ
Општина Делчево не може да ги исплати постојните плати и надоместоци а градоначалникот вработува нови лица на платен список во предизборна година
Општина Делчево со блокирана сметка од 2008 година, неостварени приходи од комунални такси и надоместоци и продаден имот од јавен интерес
Градоначалниците на Кочани, Виница, Зрновци и Чешиново-Облешево потпишаа договор за преземањето и третманот на комуналниот отпад на Градската депонија во Кочани