Професорката Гордана Силјановска Давкова со своја реакција упатена во јавноста преку социјалните мрежи им одговори на прозивките и провокациите на функционерите на ДУИ кои 22 години ја уништуваат МАкедонија по речиси сите основи, вгнездени во порите на власта.
“Како е можно по децениска образовна, научна и експертска активност во најпрестижните европски институции и десетици академски трудови објавени во западноевропските списанија и книги, една марксистичко-сталинистичко-енверистичката партија, која не е примена во ниту едно партиско семејство во Европскиот парламент, да ме напаѓа и обвинува за русофилија и путинизам?
Партијата, којашто 22 години е на власт, од кои 16 непрекинато на „Илинденска“, сега, фројдовски ја проектира сопствената фрустрација на други. Ноторен факт е дека токму ДУИ во своето соопштение, признава дека овозможила сериозно руско влијание во Македонија.
За среќа, веќе триесет години мој професионален дом е најстарата европска институција, Советот на Европа. Мојата комуникација со Стразбур е поврзана со човековите права, владеењето на правото и демократијата.
За разлика од мене, комуникацијата на Али Ахмети и други функционери на ДУИ со Стразбур е поврзана со хашките случаи. Дуња Мијатовиќ, комесар за човекови права на Советот на Европа, во писмото до Владата порача дека во Европа, согласно со меѓународното право, воените злосторства никогаш не застаруваат.
Време е сите актери во Македонија да се однесуваат европски.”
-напиша професорката Гордана Силјановска Давкова на фејсбук.
Креирано од:
СЛИЧНИ ОБЈАВИ
Заменик-министерот Ристески се обрати на отворањето на Првиот Бизнис форум во општина Делчево „Заедно да подадеме рака на развојот“
ДКСК го објави Каталогот на пријавени подароци за избрани и именувани лица за 2025 година
Финансиска полиција поднесе пријава против поранешен претседател на Стоматолошката комора на Македонија