Денеска на прес конференција Љупчо Папазов- кандидат за градоначалник на Кочани од редовите на ВМРО-ДПМНЕ во јавноста ги афирмираше проектите од неговата програма од областа на социјалната политика за жителите на Кочани.
Во продолжение во целост ја пренесуваме неговата прес конференција:
Во однос со детската и социјалната заштита, ние ќе се заложиме и за отварање на објект од детската градинка ПАВЛИНА ВЕЛЈАНОВА во С. ТРКАЊЕ и заеднички објект во с.Подлог. Со изградба на нови простории до Основното училиште во с.Тркање, ќе отвориме објект на детската градинка „Павлина Велјанова“ за згрижување на децата од Тркање. Местоположбата на овие три села е добра основа за отворање на заеднички објект на детската градинка „Павлина Велјанова“ за згрижување на децата од овие села.
ОБЕЗБЕДУВАЊЕ НА ПОСЕБНИ ФОНДОВИ ЗА ПОДДРШКА НА РАНЛИВИТЕ КАТЕГОРИИ НА ГРАЃАНИТЕ е исто така еден од нашите од нашите приоритети, а во исто време ќе се погрижиме за отворање и функционирање на Дневен центар за деца со аутизам. Реализацијата на проектот за изградба на старечки дом и воспоставување на мобилни сервис-служби за помош на стари и изнемоштени лица ќе овозможи да ја подигнеме грижата на повисоко ниво за нашите највозрасни сограѓани. Ние сме во служба на граѓаните и ќе работиме за посигурна иднина за сите.
-рече на денешната прес конференција кандидатот за градоначалник на Кочани Љупчо Папазов од редовите на ВМРО-ДПМНЕ.
Креирано од:
СЛИЧНИ ОБЈАВИ
Иван Гоцевски: Оттука тргнала борбата за слобода на Македонскиот народ
На највисоко локално и државно ниво ќе се одбележи 150 годишнината од Разловечкото востание во Делчево
Со лажен сертификат по Англиски јазик сакал да биде директор на основно училиште во Берово