Асфалт за секое населено место до секое семејство, во Македонска Каменица како ветување пополека се реализира. Денеска на терен во селото Цера градежни машини на фирмата изведувач интензивно работеше на изведба на новиот асфалтен пат по кој што жителите во т.н. Каранфилско маало од денеска ќе можат да патуваат кон Македонска Каменица и кон остатокот од светот.
Реализацијата на овој значаен инфраструктурен проект е со општински сретства на сите граѓани со што се исплаќа оваа инвестиција во форма на подобрен животен стандард за овие жители.
“Асфалтен пат во маала Каранфилци во село Цера
Продолжуваме со реализација на ветувањето дека ќе ги асфалтираме и уредиме локалните патишта во сите рурални средини. Денес се финализира изградбата на локален пат до маала Каранфилци во село Цера. Веќе со наредниот буџет ќе предвидиме финансиски средства за изградба на десетина локални патишта во сите селски средини, а сериозен приоритет ќе биде и подобрувањето на водоводната мрежа.
Продолжуваме посветено и парите на граѓаните се инвестираат во проекти од широк јавен интерес. Докажуваме дека со рационални инвестиции може да се изгради модерна општина.”
-објави преку социјалните мрежи градоначалникот на општина Македонска КАменица Димче Атанасовски.

СЛИЧНИ ОБЈАВИ
Лишена од слобода 24 годишна жителка на Крива Паланка затоа што го нападнала својот сопруг со остар предмет
Голем успех за Македонија на светскиот избор Miss & Mister Planet 2026 во Грузија
Николоски: Преку 100 милиони денари инвестиции во инфраструктурата во Валандово. Ќе се реконструира и регионалниот пат Струмица -Валандово