Градоначалникот на општина Карбинци Виктор Паунов во рамки на неговите политички определби а со цел за афирмација на локалните човечки капацитети со кои располага општината, реализираше работна средба со наставен кадар од ООУ ,,Страшо Пинџур” од Карбинци.
Средбата се реализираше со порака дека зад успехот на поединецот стои градоначалникот Паунов со сесрдна институционална поддршка за постигање уште поголеми успеси во наредниот период.
“Денес во мојот кабинет имав чест да ги примам наставничките Силвана Јакимовска Бинова и Јулијана Поповски, како и директорката Наталија Костова од ООУ ,,Страшо Пинџур” од Карбинци.
Повод за оваа посета е значајниот резултат на Силвана Јакимовска Бинова која е победник во категоријата Elementary School на Intel® Skills for Innovation & Genially Teacher Competition, меѓународен натпревар кој ги истакнува иновативните наставни практики и развојот на вештини за иднината. 
Голема е честа што нашето училиште и наставниот кадар е еден од најдобрите во државата.
Овој успешен тим веќе во месец Април ќе ја преставува Република Македонија на Европско тло во Република Литванија со своите иновативни научни трудови кои се изработувани заеднички со учениците.
Општина Карбинци ќе ги поддржи и покрие дел од потребите за наставниците од Карбинци.
Посакувам Европски награди за нашите репрезенти од Карбинци во Европа! 
“
-напиша на социјалните мрежи Градоначалникот Виктор Паунов во врска со оваа средба.
Креирано од:
СЛИЧНИ ОБЈАВИ
Нов динамичен концепт за развој на туризмот во Делчево: Градоначалникот Гоцевски најави формирање на Совет за развој на туризмот
„Шпански денови на вкусот“ – кочански ориз зготвен по шпански рецепти
16 годишник од Кочани со мотоцикл удрил во 74 годишна жена