За Делчево- некогашното Царево Село постојат многу митови, легенди, преданија кои што го изразуваат богатиот раскошен дух на народното творештво низ историјата. Постојат се уште живи луѓе кои што растеле со кажувањата на нивните дедовци за славата на Поп Стојан, за итроштините на Гоце Делчев, за згодите и незгодите во Монте Карло- позната боемска кафеана во повоена Македонија, како и сведоци за маратонските дебатни изданија во кафеаната кај Цинцо….
Едно такво современо предание кое што може да биде белег на нашето време е спојувањето на водите од новата фонтана изградена од страна на градоначалникот на Делчево Горан Трајковски со водите на река Брегалница во центарот на Делчево. Особена магија и прекрасен пејсажен колорит се добива кога ваквото живописно потскокнување на водата од фонтаната и нејзино слевање во река Брегалница, буди кај граѓаните во раните утрински часови на изгрејсонце кога сончевите зраци под совршен агол се прекршуваат на малиот водотек кој што се формира од излевање на водите од три милионската фонтана. За легендата на нашето време да добие на општонародно внимание и силина на изразот истата може да се поврзе со недостигот на вода во неколку населби и населени места низ општината додека овде прекрасните сончеви зраци на изгрејсонцето се капат во ладната вода од фонтаната која се влева во “бистрите” води на река Брегалница.
ДНО-ДНА!
За ваквата состојба со своја реакција во јавноста се обратија и од ВМРО-ДПМНЕ ОК Делчево преку социјалните мрежи каде што на видео приказ е уловен “магичниот” момент вреден за воспевање на ниво на легенда.
Изградбата на оваа фонтана насловена како “Бесконечност” е реализирано со пари од Буџетот на Општина Делчево како и со донации а по проект на Претседателот на Советот на Општина Делчево и неговата проектантска фирма.
Креирано од:
СЛИЧНИ ОБЈАВИ
Општина Кочани донираше 3 милиони денари на Црвен крст – помош за настраданите во несреќата
ДЗР: ЈП „Исар“ Штип се соочува со финансиски и еколошки предизвици, поради што генерира со 60% загуба на вода, 25,2 милиони денари обврски и отсуство на дозволи
Во Делчево куче каснало малoлетничка, сопственикот на кучето заработи кривична пријава