На денешен ден (30-ти јуни) пред две години кога се уште директно, јасно и гласно не беше соопштена намерата на власта на Зоран Заев и СДСМ за спроведување на референдумот за промена на името, неколкумина граѓани на Делчево излегоа јавно на улица со обележја и ознаки со пораки за Бојкот на тој референдум.
#ДелчевоБојкотира беше идејата која што иако мнозинството граѓани во државата ја размислуваа, ретко кој имаше доволно силен свој став во тие клучни моменти таа идеја да ја истакне јавно .
Акцијата #Бојкотирам и #НикогашСеверна #СамоМакедонија доживеа свој успех на референдумот на 30 септември 2018 година кој се претвори во целосно фијаско за актуелната власт и нивните сателит-поддржувачи во нивната намера да го променат името на Република Македонија. И покрај масовната пропаганда на власта платена со пари од граѓаните против нивната волја, притисокот, заканите, поткупот и уцените од страна на функционерите на СДСМ на државно и локално ниво низ државата законскиот цензус не беше постигнатпо што референдумот беше прогласен за неуспешен.
И покрај ваквиот исход после референдумот и двата денови на безгласие и целосна крокираност на целиот нелегитимен и разобличен државен апарат контролиран од Зоран Заев и СДСМ по референдумот, власта продолжи да го спроведува сценариото се до конечна противуставна, противзаконска и насилна промена на уставот и уставното име Република Македонија во Македонскиот парламент.
Свое сведоштво во врска со почетокот на целата оваа теренска акција на “невидливото” народно движење #Бојкотирам, упати еден од учесниците во овој одговор со бојкот на Македонскиот народ кој што ја дефинираше каузата на секој Македонец во периодот кој што следуваше:
“Бевме исмевани, прогонувани, оцрнувани, сузбивани, кодошени, игнорирани….
Бевме оставани на цедило…
Бевме покажувани со прст, довчерашни пријатели не одминуваа без збор, вртеа глава да не се поздрават со некој од нас на улица, немој случајно да ги види некој кодош на режимот….
Тоа долго и мачно лето Господово 2018-то се черечеше Република Македонија.
Оваа борба е борба на вистината, на малкумината….
Оваа борба е борба на достоинство и племенит збор…
Ова е борба за основното право на еден народ за самоопределување.
Ова е борба за слобода….
Кога некогаш во иднина ќе Ве прашаат каде бевте вие кога Република Македонија ја носеа на оваа нејзина последна од низата голготи, размислете убаво што ќе си одговорите пред сопствената совест….
Нека ни е вечна Републиката, каде секој еден Македонец е важен!
#НикогашСеверна
#СамоМакедонија“
