Денеска во посета на Министертвото за внатрешни работи беше висока делегација на ОДИХР предводена од Кеара Касталдо. Членовите на набљудувачката мисија за изборите со министерот за ватрешни работи Панче Тошковски разговарале за улогата на ОДИХР во изборниот процес.
“Денес остварив средба со висока делегација на ОДИХР предводена од г-ѓа Кеара Касталдо, виш советник за изборни процеси во Канцеларијата на ОБСЕ.
На средбата се заблагодарив за соработката и напорите кои ОДИХР во континуитет ги вложуваат во насока на транспарентно спроведување на секој изборен процес во државата.
На прашање на г-ѓа Касталдо за нивната улога во изборниот процес, изразив верување дека најважно е што Мисијата на ОДИХР повторно ќе ја одигра една од главните улоги и во овој изборен процес и транспарентно ќе ја претстави целокупната ситуација на терен во насока на спроведување на фер и демократски избори.
Од моја страна беше изразено уверување дека ќе бидат вложени максимални напори за соодветно учество во целокупниот изборен процес кој е пред нас со цел организирање и спроведување фер, демократски и безбедни избори.”
-напиша на фејсбук Панче Тошковски- Министер за внатрешни работи.

СЛИЧНИ ОБЈАВИ
Лишена од слобода 24 годишна жителка на Крива Паланка затоа што го нападнала својот сопруг со остар предмет
Голем успех за Македонија на светскиот избор Miss & Mister Planet 2026 во Грузија
Николоски: Преку 100 милиони денари инвестиции во инфраструктурата во Валандово. Ќе се реконструира и регионалниот пат Струмица -Валандово