БРЕГАЛНИЧКИ ПОРТАЛ

ИДЕНТИТЕТ НА РЕГИОНОТ

Влатко Миладиноски и Златко Миладиноски со оркестарот ќе приредат македонски музички спектакл во битолска Хераклеја

HTML Image as link Имате потреба од нов веб сајт?
An image from Squarespace
Пренеси го гласот

По незаборавните концерти во Охрид и Скопје, македонското музичко востание продолжува во Битола! На 29 јули, со почеток во 21:00 часот, Влатко Миладиноски и Златко Миладиноски со оркестарот ќе приредат голем концерт под отворено небо во магичниот амбиент на Античкиот театар Хераклеја.

Битолчани и публиката од цела Македонија ќе имаат можност да бидат дел од вечер посветена на македонската песна, традиција и култура. На сцената ќе настапи Влатко Миладиноски, придружуван од оркестарот на Златко Миладиноски и повеќе од 30 музичари, кои ќе создадат моќен музички спектакл исполнет со емоции.

По концертите што ја обединија публиката во Охрид и Скопје, браќата Миладиноски ја носат својата музичка приказна во градот на конзулите. Хераклеја, како еден од најзначајните културно-историски локалитети во Македонија, ќе биде совршена сцена за вечер во која ќе одекнуваат најубавите македонски песни.

HTML Image as link НЕТКРИЕНО БОГАТСТВО ОД ТРАДИЦИЈА, ПРИРОДА, ИСТОРИЈА...
An image from Squarespace

Концертната програма ќе биде збогатена и со настапите на специјалните гости Спасен Сиљаноски, Дамјан Стојаноски и Дарко Стојаноски, како и проект уметници македонци од Егејска Македонија.

Огромниот интерес за концертот уште еднаш потврдува дека македонската музика има публика која искрено ја сака, ја почитува и со гордост ја пренесува на следните генерации.

На 29 јули, сите музички патишта водат кон Хераклеја. Битола е подготвена за вечер исполнета со песна, емоции и македонска гордост.

Билетите се достапни онлајн преку mktickets.mk, како и на физичките продажни места: Tobacco Brothers во Битола и Т.А. Бран во Прилеп.

Креирано од:


Пренеси го гласот