Во текот на вчерашниот ден Унијата на жени на ВМРО-ДПМНЕ стартуваше со имплементација на својот досега најголем проект за афирмација на влијанието на жените во политиките на партијата и државата. Проектот именуван како “Женска платформа” се содржи од петмесечен циклус на обуки работилници и предавања низ кои учесничките ќе можат да научат повеќе за разни сегменти на политиките на општествено влијание во Македонија.
Претседателката на Унијата на жени на ВМРО-ДПМНЕ, Благица Ласовска го отвори настанот со огромна доза на самодоверба:
Верувам во сите вас, стојам зад вас жените, инвестираме во вашиот капацитет и квалитет затоа што само така, со силни жени ќе возобновиме демократското општество кое во моментот е згазено од партијата на власт. Секоја една е непресушен извор на потенцијал и капацитет
-рече Ласовска.
Во дизајнираниот пакет обуки, првиот модул е наречен Политички систем и владеење на правото преку кој учесничките ги анализираа политичките системи кај нас и во рамки на Европската Унија. Професорката Гордана Силјановска Давкова ја оддржа првата обука на жените учеснички на Женската платформа.
Зборот политика е женски род. Политиката се учи и таа не треба да биде чудовиште, ние жените можеме да ја направиме уметност исто како што од животот правиме уметност на можното уште кога раѓаме деца,
-изјави Силјановска.
Професорката Гордана Силјановска беше своевиден пример во спротивставувањето на неправдите во Македонија со тоа што во предизборната кампања за Претседателските избори понуди концептуално-силна платформа за почитување и практикување на правото и правната држава кои што во толку голема мера недостигаат во Македонија.
Жените се клучен актер за оддржлив развој на едно општеството, а родовата перпектива е веќе широко препознаена и во рамки на политичката партија ВМРО-ДПМНЕ.
Жената нема многу слободно време, ама избира да се занимава со политиката. Оваа стимулативна програма ја јакне можноста за кариерен развој на секоја жена од една страна, а од друга страна ја поттикнува да се носи со идните предизвици од нејзино вклучување во политиката
– изјави координаторката Ирена Тодороска која заедно со избраните предавачи ќе ги води учесничките во оваа платформа на Унијата на жени.
Креирано од:
СЛИЧНИ ОБЈАВИ
Напредува процесот за новиот експресен пат Кочани- Делчево согласно предвидената динамика: Презентација на техничкото решение во Делчево
Градоначалникот на Делчево Гоцевски оствари средба со активисти на невладината организација “Жена” од Делчево
Тошковски на промоцијата на Националната стратегија: Значително намален бројот на жртви во сообраќајот, Македонија во конкуренција за светско признание за сообраќајна безбедност на светскиот полициски самит во Дубаи