Време е…
Уште еднаш, по којзнае кој пат, овој домаќински народ да го заигра Тешкото, да ги растресе путурите и саите, да оптегне кожите на гајдите и тапаните, да спискаат зурлите…
Време е…
За строг и достоинствен поглед кон хоризонтот, онаму кај сонцето изгрева се дури не зајде, под будното око на чуварот на вистината…
Време е да ја послушаме мудроста на месечината во заедништвото со ѕвездите, на ова магично од Бога обдарено небо…
Време е уште еднаш….
Уште еднаш овој народ да ги остави ралата, уздите, вретената и разбоите, да ги заклучи тешките порти и да излезе надвор…
За уште еднаш да ги распушти благородните стада по нашите китни планини и долови.
Уште еднаш да ја запее својата песна, да зататни земјата под гордиот и стамен чекор, и небото да згрми од љубов кон заедништвото…
Време е за песната на нашево време, за вековите да слушнат дека сме живи, дека постоиме…
И покрај се на светов…
Време е да растераме облаци темни надвиснати над овој позаспан сончев свод…
Да бликне зрак светлина, за надежта повторно да се роди…
Време за светлината…
Време е за вистината…
Време е за Република Македонија!
За родот Македонски да го извика своето име за светот по којзнае кој пат да го убедиме…
Ние сме овде за да опстоиме…
Македонци во Република Македонија!
Светилник на Балканот, икона во Европа.
💗💗💗💗💗💗💗💗💗💗💗
(Напишано во чест на претстојниот Протест во недела на 18-ти Ноември 2018 година со почеток во 18.00 часот пред Македонскиот парламент против промената на името и Уставот на Република Македонија организиран од страна на граѓанското движење #Бојкотирам.)
🇲🇰🇲🇰🇲🇰🇲🇰🇲🇰🇲🇰🇲🇰🇲🇰🇲🇰🇲🇰🇲🇰
П.С.Некои се бореле со пушка, некои со сечила, со барут и бомби…
Мојата борба е со љубов, со зборот роден од овој народ и оваа држава во која растев и израснав, која е се на светот за мене што постои.
Не за промена на името, зошто името е идентитетот.
МАКЕДОНИЈА ВЕЧНА!
Автор: Кирчо Анастасов
Креирано од:
СЛИЧНИ ОБЈАВИ
Трка меѓу пари, слава и моќ или хармонија, посветеност и внимание на семејството?
Галерија: Метал музиката лебди над Македонија
Ова е едно од прашањата кое го упативме пред повеќе месеци на пратеникот Амар Мециновиќ кој не го одговори