Скопскиот emo rock состав “Преку Ред” пред некој ден го објавија својот нов сингл насловен “За кого како”.
И понатаму милениците на скопската млада популација која што се движи на возраст од 14 па до 20-тина години пријатно изненадуваат со својата енергичност и милозвучност кои не се обременети од некои тешки општествени теми, што е своевидна реткост во ова наше секојдневие.
Нумерата “За кого како” следува после подолг временски период на творечко затишје на бендот, но доаѓа токму со потребната жестина и ентузијазам за да го одбележи со позитива ова време на креативна потиштеност кај музичката рок сцена во Македонија.
Антони Анев, Никола Стоименов, Христијан Тасевски и Марко Станчевски со оваа песна продолжуваат со својот младешки музички наратив за теми кои што им се својствени на нив и на младите дечки како нив, со нивното секојдневие и емоции.
Она што “Преку ред” ‘ќе го соопшти во интервјуто кое го реализиравме во месец август 2023 година пред нивниот настап на Рудар Рок Фест 2023 година дека
“Звукот е инспириран од бендови и артисти кои ни биле идоли со години и чија музика не има споено нас четворица, а текстовите и музиката произлегуваат од се што ми се случува што ме фрустрира или ми претставува задоволство, без претходно планирање или осмислување….”
-со оваа нивна нова музичка нумера доаѓа до полн израз и на тој начин “Преку Ред” алармираат за малите работи во животот кои што треба да му дадат нишка на убавина.
Се на се убав континуитет е оваа нивна нова нумера која може да ја послушате/погледнете во продолжение:
Креирано од:
СЛИЧНИ ОБЈАВИ
Што значи Bajram Šerif Mubarek Olsun, а што значи Allah razi olsun?
Почина легендарниот актер Џејмс Ерл Џоунс
Постои град во Турција кој се вика “Бетмен”