И тоа утро осамна во Македонија. Премиерот на вештачката, под присила и неуставно наметната “северна” творба побара оставка од потпретседателот на опозициската ВМРО-ДПМНЕ, Александар Николоски.
Замислете големината и делото на Зоран Заев е толку големо што премиерот почна да се замислува лидер на ВМРО-ДПМНЕ па почна да бистри кадрова политика во дворот на Мицкоски.
И сето тоа е нормално, кога целиот сопствен двор во СДСМ е “изметен” а брилијантната кадрова политика на Зоки носи незамисливи резултати за напредокот на Македонија!
И да биде траги-пародијата поубедлива Зоки тоа го прави во време на незапаметена суша во државата што до таа мера се испразнети езерата во Македонија, што веројатно гравитацијата на месечината е виновна за ниската осека во Преспа, Калиманци, Тиквешко езеро, Дебарско Езеро и останатите езера за кои треба народот да почне да пишува повеќе песни ако сака да останат запаметени во историјата.
Ама и така историјата не ни треба затоа што таму кај што сме тргнати се живее во иднината а сегашноста со декрет ќе ја забраниме…
Оставката од Александар Николоски што ја побара Премиерот родум во Муртино доаѓа во време на потврда на политиките на Никола Груевски за создавање на прогрес и благосостојба во Македонија, наспроти уценувачките политики на сите околни чопори волци кои демнат на границите на оваа распарчена и поделена земја. Европа ќе сме ја донеле дома, наместо ние да појдеме во Европа.
Епа Зоране Заев, честитки за стекнатиот статус на поголем Груевски од самиот Никола.
Оставката која според самопрогласениот црпнат од нивите во струмичко треба да си ја поднесе Александар Николоски треба да дојде во време кога почна масовно исполнување на ветувањата кон граѓаните на Македонија кои во 2016 година ги вети тогаш лидерот во налет.
Оваа оставка Александар треба да си ја поднесе бидејки земјоделците станаа едни од најголемите капиталисти во државата, рамо до рамо со Вице, Трајче, Кочо, Мичо и останатите…. Па ваква преродба на земјоделието на овој простор не бил запаметен уште од времето на Тито, кога народот “трчаше” да се куртули од своите ниви да ги подари на општествените фирми под контрола на КПЈ за да не мора веќе да ги работи.
Оставка, Александар! Премиерот наредува….. Исто како што нареди чистиот воздух- ајрото да дојде во сите поголеми градови низ државата… Исто како што нареди животот да се врати во Македонија за да не останат неизносени обувките пред Владата кои толку тажно и срцепарателно си ги чекаа своите стопани да се вратат….
Дај г-дине Николоски поднеси си оставка затоа што европеецот Зоран Заев ги реализираше сите ветувања за да може Македонија да влезе во ЕУ:
-го смени Уставот на Република Македонија,
-го промени името на државата,
-се откажа од целокупната своја историја од антиката до 1944 година,
-донесе двојазичност секаде па и во Делчево заедно со неговиот партнер Ахмети,
-името Македонија стана “нашата земја” за севкупна употреба,
-се откажа од Македонците во соседните земји за да молат за милостиња за својот Македонски идентитет…
Истовремено кога
-Гарнитурата на власт изврши груба партизација на институциите на државата на сите нивоа,
-“Тендерашко” стана олимписка дисциплина и плодна нива за престиж за сите раководни функционери на СДСМ,
-Русковска ги разобличи во јавност лажните сведоци со чии што искази се затворени Македонци на робија од вкупно над 200 години, чиниш Султан станала жената од времето на Отоманските банки ширум царштината,
– сиромаштијата стана алиби за собирање гласови пред избори,
-Започна епската и исцрпувачка изградба на автопатот кај Блаце и останатите 600 км автопатишта кое еве кај не се изградени каде јунаци од власта секојдневно битки бијат со интергалактичките опструктори на прогресот и проектите на Зоран Заев, а бендот “плех оркестар” стрпливо чека да ја засвири победничката химна на власта,
-почна бербата на канабис по македонските полиња, останува уште цветот да се извезе….
…и остана уште Александар Николоски да си поднесе оставка.
Ако не пак цело ВМРО-ДПМНЕ и сите останати партии нека си поднесат колективна оставка, за конечно мајка му на Зоран Заев да може помирно да заспива….
ТРА-ГИ-КО-МЕ-ДИ-ЈА на Македонски начин во Заева обланда!
Мрш! Бандо непрокопсана!
Пишува: Кирчо Анастасов
