Прославениот холивудски режисер Зак Снајдер познат по своите филмски хитови “300”, “Човек од челик”, “Бетмен против Супермен: Самрак на правдата”, “Лига на правдата”, се избори и ги доби правата за филмска екранизација на сценариото за филмот “Крв и пепел” што се смета за продолжение на приказната од античкиот свет за легендарните спартански војници пренесена преку филмот “300”. Ова е втор обид на режисерот за да го сними овој филм, откако првиот пат беше одбиен да го сними од страна на филмските студија на Ворнер Брос. Сценариото е напишано од самиот Зак Снајдер со план да се снима веднаш по реализацијата на филмот “300: Подем на империја” но поради разидување на креативните патишта на еден од најзначајните режисери на денешницата со WB студијата истото беше ставено во фиоките на филмскиот конгломерат.
Приказната во “Крв и Пепел” гравитира околу љубовната хомосексуална врска меѓу Александар III Македонски и неговиот прв војсководец Хефастион.
За Зак Снајдер ова е љубовна античка приказна исполнета со епски историски битки но со поширок пристап на емотивноста и човечкиот сензибилитет на главните протагонисти.
Зак Снајдер е актуелен со филмот Бунтовничка месечина (Rebel Moon) чија што премиера е закажана за 22 декември во продукција на Нетфликс.
Хомосексуалната љубовна врска на Александар со неговиот војсководач и претходно до одредена мера беше екранизирана на големото платно во историскиот спектакл “Александар” на култниот режисер Оливер Стоун од 2003 година
Креирано од:
СЛИЧНИ ОБЈАВИ
ВО МАГИЧЕН АМБИЕНТ ВИКЕНДОВ СЕ ОДРЖА „ПОТОЧИЊА 2026“
Луѓето се враќаат на Месечината за само 3 дена!
Бојана Скендеровски со концерт во Штип: Огнен Здравковски и Коки Јанков специјални гости