Министерот за внатрешни работи Наќе Чулев се обрати во јавноста во врска со се позачестените информации кои ги слуша како од граѓаните така и од чесните и професионални вработени во МВР за нерегуларностите при извршувањето на работата на полициските слуќбеници, инспектори и останати униформирани и неуниформирани вработени во МВР.
За таа цел Чулев денеска со свое соопштение во јавноста ги разобличи ваквите појави, но и изрази силна подготвеност да им застане на патот на сите лоши и противзаконски практики во МВР во интерес на граѓаните на Република МАкедонија.
Во продолжение во целост го пренесуваме неговото соопштение:
“Често при моите теренски посети и средби, граѓаните се жалат за селективан пристап при работењето на полициски службеници, непостапување и чување предмети во фиока. Тоа се информации во кои како професионалец не сакам да верувам, но аргументите кои ги гледам за жал покажуваат дека истото не ретко се случувало. Веројатно во минатото некој имал политички, личен или друг интерес да го прави тоа.
Јас сум убеден и цврсто решен, согласно моите надлежности да ставам крај на таквото работење во министерството за внатрешни работи. Во оваа насока праќам порака дека ниту еден случај на злоупотреба на службената должност нема да остане нерешен или заборавен. Одделот за внатрешна контрола има целосна поддршка од мене да биде на страната на граѓаните и да постапи по сите случаи каде има незаконско постапување од страна на полициските службеници или пак нивна инволвираност во било какви криминални активности.
Напоменав и ќе повторам дека застанувам на страната на секој чесен граѓанин на Република Македонија и секој чесен професионалец во редовите на Министерството за внатрешни работи.”
Ова негово соопштение доаѓа по двете иницијативи за поведување постапка за утврдување на дисциплинска одговорност против двајца полициски слеуќбеници за кои што информираше денеска МВР.

СЛИЧНИ ОБЈАВИ
Одбележан патрониот празник на ООУ „Крсте Петков Мисирков“ во Оризари
Предложен притвор за вработен во ДЗС осомничен за поткуп
Делегација на МВР учествуваше на 15. конференција на ИНТЕРПА во Доха, Катар