Амбициозната временска рамка за реализација на голем број инфраструктурни проекти кои што ги има предвидено да ги реализира градоначалникот на општина Виница Миле Петков не остава многу слободно време за губење на надлежните. И покрај врнежливото време кое го зафати општината Виница, продолжуваат оперативните градежни работи за подобрување на инфраструктурата во градот но и во руралните места во Виница. Се работи на овеќе позиции секако за оној вид на градежни работи чиј што квалитет на изведба нема да трпи поради врнежите. Денеска градежни механизирани екипи започнаа со ископ на фундаментите и адаптирање на теренот за изградба на нови потпорни ѕидови во селото Липец како и на улицата Вера Јоциќ во Виница.
Овие активности се реализираат како дел од програмата за работа на градоначалникот на општина Виница Миле Петков за тековната 2023 година за која се предвидени голем број инфраструктурни проекти зза реализација.
“Започнаа градежните активности за изградба на 2 потпорни ѕидови во с.Липец улицата над училиштето и на ул. “Вера Јоциќ” во Виница.
За изградбата на овие потпорни ѕидови обезбедени се средства од Буџетот на Општина Виница во износ од 900.000 денари.”
-информираше градоначалникот Миле Петков во јавност во врска со овие проекти.

СЛИЧНИ ОБЈАВИ
Претстои реконструкција на игралиштата во ООУ „Св. Кирил и Методиј“
Полскиот амбасадор во посета на Општа болница Кочани
Градоначалникот на Делчево Иван Гоцевски дел од јавниот форум „Жените знаат што им треба“, во организација на Здружението „Гласен Текстилец“ во Штип